«У Маскве парад працягнецца ўсяго 20 хвілін»

Крэмль асцерагаецца не толькі ўдару з боку ЗСУ, але і «унутраных непрыемнасцяў».

Парад, запланаваны ў расійскай сталіцы на 9 мая, можа працягнуцца ўсяго 20 хвілін — крамлёўскі дыктатар Пуцін баіцца не толькі ўдару з боку ЗСУ, але і «унутраных непрыемнасцяў». Такое меркаванне на YouTube-канале The Breakfast Show выказаў ваенны эксперт Юрый Фёдараў.

У эфіры гаварылася, што, згодна з афіцыйным паведамленнем профільнага міністэрства РФ, 9 мая ў Маскве будзе абмежаваны доступ да мабільнага інтэрнэту, уключаючы «белыя спісы» сайтаў, дзеля забеспячэння бяспекі святочных мерапрыемстваў 9 мая. Таксама вядома пра ўсталяванне 40 новых «кропак» СПА вакол Масквы, што зроблена на шкоду іншым расійскім рэгіёнам.

«Зразумела, што дадатковыя сродкі СПА не могуць узяцца з паветра. Значыць, іх трэба здымаць у кагосьці, з нейкіх іншых напрамкаў. Але гэта азначае — агаліць расійскія рэгіёны — захаплення ў гэтых рэгіёнах такога кшталту дзеянні, натуральна, выклікаць не могуць... Навошта расійскія ўлады адключаюць любы інтэрнэт. Тут магчымыя два тлумачэнні. Першае — не дапусціць выкарыстання адпаведнай сувязі беспілотнікаў, што ляцяць з Украіны, з іх аператарамі», — сказаў Фёдараў.

У той жа час, паводле яго слоў, прасіцца яшчэ адно тлумачэнне — расійскія ўлады баяцца, што нейкія беспілотнікі могуць паляцець на Чырвоную плошчу не з Украіны, а адкульсьці з Расіі. Напрыклад, з гарадоў Маскоўскай вобласці — Мыцішчаў, Люберцаў або іншых прыгарадаў расійскай сталіцы. Эксперт адзначыў:

«Прыляцяць, каб нанесці ўдар, нават «страшна сказаць», — па вярхоўным галоўнакамандуючым або па людзях, што сабраліся на Чырвонай плошчы. Вось у мяне такое адчуванне, што служба бяспекі прэзідэнта Расіі асабліва старанна запалохвае яго такімі магчымымі акцыямі… Пуцін, натуральна, пакутуе на параною, у прыватнасці на манію пераследу — гэта даўно вядома. І гэта стварае дадатковую напружанасць вакол яго».

Ён таксама прааналізаваў відэа, на якім зафіксавана рэпетыцыя параду, запланаванага ў Маскве на 9 мая. Паводле яго слоў, тое, што абнародавалі расійскія ўлады, — скарочаная версія традыцыйнага параду. Верагодна, рэпетыцыя прайшла на беразе ракі Масквы, на захад ад Крамля, мяркуе Фёдараў.

Ён адзначае, што на відэа можна ўбачыць, у прыватнасці, да пяці так званых зводных разлікаў, кожны з якіх налічвае ад 200 да 400 чалавек. Кожны з такіх разлікаў перасякае Чырвоную плошчу цягам 3–4 хвілін. Разам з іншымі пратакольнымі мерапрыемствамі, мяркуе Фёдараў, і прамоваю Пуціна, якая, верагодна, будзе кароткай, увесь парад працягнецца прыкладна 20 хвілін.

«Думаю, што такая скарочаная праграма зробленая для таго, каб мінімізаваць пагрозу, якую ў Маскве чакаюць… Відаць, пагрозы — розныя: або гэта беспілотнікі, ракеты з Украіны, або нейкія непрыемнасці…», — сказаў Фёдараў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]