Беларусам расказалі пра кляшчоў у летніх аздараўленчых лагерах

Спецыялістка патлумачыла, ці варта аддаваць дзяцей.

Вясной беларусы актыўна скардзіліся на кляшчоў, і, хоць вучоныя супакойвалі, што нашэсця крывасмокаў няма, гэта пытанне працягвае непакоіць людзей. Асабліва цяпер, калі ў летніх аздараўленчых лагерах стартуе першая змена. Ці апрацавалі тэрыторыю, дзе будуць адпачываць дзеці, расказалі у Рэспубліканскім цэнтры гігіены, эпідэміялогіі і грамадскага здароўя.

Падчас прэс-канферэнцыі, якая праходзіла 28 мая ў Нацыянальным прэс-цэнтры, паднялі пытанне, ці апрацавалі тэрыторыю лагераў ад кляшчоў.

— Энтамалагічныя абследаванні ўжо праведзены ў 100% выпадкаў, — паведаміла Дыяна Лаўрынюк, загадчыца аддзялення гігіены дзяцей і падлеткаў Рэспубліканскага цэнтра гігіены, эпідэміялогіі і грамадскага здароўя. — То-бок тэрыторыі загарадных, стацыянарных лагераў ужо абследаваныя.

Паводле яе слоў, участкі, дзе знаходзіцца лагер, апрацоўваюць ад крывасмокаў за тры-пяць дзён да пачатку змены.

— Калі лагеры пачынаюць працаваць з 1 чэрвеня, то гэтыя мерапрыемствы ўжо праводзяцца, — патлумачыла загадчыца аддзялення гігіены дзяцей і падлеткаў. — На працягу аздараўленчых змен таксама спецыялістамі цэнтраў гігіены і эпідэміялогіі праводзяцца кантрольныя энтамалагічныя абследаванні. Пры выяўленні 0,5 кляшча на флаг-кіламетр (то-бок знаходзяць прыблізна адну асобіну на двух кіламетрах. — Заўв. рэд.) арганізоўваецца правядзенне акарыцыдных мерапрыемстваў. То-бок праводзяцца апрацоўкі, калі сказаць простымі словамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]