Швецыя гатова ўзмацніць Паветраныя сілы Украіны першымі знішчальнікамі Gripen

За кошт крэдыту ад Еўрапейскага саюза.

Шведскі ўрад збіраецца перадаць Украіне шэраг шматмэтавых знішчальнікаў Gripen JAS 39 C/D, прызначаных для разведкі, выканання місій «паветра-паветра» і «паветра-зямля».

Украіна павінна аплаціць самалёты за кошт крэдыту ад Еўрапейскага саюза. Пра гэта 27 мая паведаміла выданне Aftonbladet.

Паводле звестак медыя, на 28 мая прэм’ер-міністр Швецыі Ульф Крыстэрсан склікаў прэс-канферэнцыю. Чакаецца, што ўрад абвесціць пра перадачу Украіне знішчальнікаў тыпу JAS 39 C/D.

Таксама адначасова павінны пачацца перамовы адносна будучага продажу Украіне дадатковых самалётаў тыпу Jas 39E.

Выданне піша, што Ульф Крыстэрсан наведаe авіяцыйную эскадрыллю Упланда ў Упсале. Чакаецца, што ў межах гэтага візіту адбудзецца прэс-канферэнцыя, на якой прадставяць навіну, звязаную з міжнародным супрацоўніцтвам у сферы авіяцыі.

Іншых падрабязнасцяў, у прыватнасці адносна колькасці планаваных да перадачы Gripen JAS 39 C/D, медыя пакуль не раскрыла.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]