Яшчэ адзін правал Лукашэнкі
14- 11.05.2026, 10:32
- 9,166
2018 год стаў у гісторыі сучаснай Беларусі знакавым.
У Беларусі памірае ўдвая больш людзей, чым нараджаецца. У мінулым годзе, паводле дадзеных Белстата, нарадзіліся 54,3 тыс. новых беларусаў, а памерлі 116,5 тыс., піша сайт «Белорусы и рынок».
Натуральнае змяншэнне насельніцтва апошнія гады імкліва паскараецца: цяпер 62,3 тыс. смерцяў у год не кампенсуюцца новымі нараджэннямі, тады як у самым спрыяльным 2015 годзе паказнік складаў усяго 998 смерцяў.
2018 год стаў у гісторыі сучаснай Беларусі знакавым: калі дагэтуль у краіне заставалася адно месца, дзе насельніцтва натуральным чынам памнажалася — горад Мінск, то з таго года нават у сталіцы смерцяў стала больш, чым нараджэнняў.
Сёння ў сталіцы памірае на 9,3 тыс. чалавек больш, чым нараджаецца.
Дзе горш за ўсё?
На кожную тысячу насельніцтва Беларусі за год прыпадае натуральнае змяншэнне на 6,8 чалавека. Найбольш крытычная сітуацыя ў Віцебскай вобласці — тут змяншэнне дасягае 10 чалавек. Найбольш дэмаграфічна спрыяльнай з'яўляецца Брэсцкая вобласць — мінус 5,9 чалавека.
Аднак розніца найбольш прыкметная ў разрэзе гарадоў і вёсак: у гарадской мясцовасці на кожную тысячу жыхароў натуральнае змяншэнне складае 5 чалавек, а ў сельскай — 13,6.
Горад Мінск, дарэчы, больш спрыяльны за малыя гарады — тут змяншэнне складае ўсяго 4,7.
Колькі нас засталося?
Выніковая колькасць насельніцтва краіны залежыць не толькі ад смерцяў і нараджэнняў, але і ад міграцыі. Белстат, з улікам зарэгістраванай міграцыі, паказвае лічбу ў 9 мільёнаў 56 тысяч чалавек у Беларусі на пачатак 2026 года. Гэта азначае мінус 400 тысяч за дзесяць гадоў. Аднак з улікам незарэгістраваных тых, хто выехаў, у рэчаіснасці ў Беларусі, верагодна, засталося яшчэ менш.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
