У Нарвегіі школьнік знайшоў меч вікінгаў падчас экскурсіі

Шасцігадовы хлопчык заўважыў у полі рукаяць старадаўняй зброі.

Калі вы думаеце, што археолагі даўно перакапалі ўсю Еўропу ўздоўж і ўпоперак, дасталі з зямлі ўсе артэфакты мінулага, то вы моцна памыляецеся. У Нарвегіі хлопчык знайшоў сапраўдны меч вікінгаў проста падчас школьнай экскурсіі.

Як піша Bild, напрыканцы красавіка шасцігадовы Хенрык Рэфснес Мертведт, вучань першага класа школы ў гарадку Браннбу (80 км на поўнач ад Осла), адправіўся на школьную экскурсію з класам. Падчас прагулкі па полі ён заўважыў нешта, што тарчала з зямлі і было падобнае на рукаяць вельмі старога меча.

Хлопчык выцягнуў прадмет на паверхню і імгненна ператварыўся ў самага юнага археолага на планеце. Іржавая і злёгку пагнутая жалязяка аказалася мечам даўжынёй каля 1,3 метра, як высветлілася пазней, з ранняй эпохі вікінгаў.

Пра знаходку неадкладна паведамілі мясцовым уладам.

«Мы лічым, што мечу каля 1300 гадоў, то бок ён адносіцца да эпохі Меравінгаў або пачатку эпохі вікінгаў», – пазней расказалі спецыялісты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]