Лукашэнка ператварыўся ў хадзячы анекдот

Сам стварае праблемы, а потым іх вырашае.

Жыхарка Віцебска заклікала «дзяўчат, жанчын і мужчын, якія падтрымалі» падтрымаць калектыўны зварот да Лукашэнкі ў сувязі з абвешчаным Годам беларускай жанчыны. Аўтарка асобна падкрэсліла, што пра злосную крытыку гаворкі не ідзе — «проста хочам скарыстацца яго абяцаннем і папрасіць тое, у чым маюць патрэбу віцебскія жанчыны», піша «Салідарнасць».

Праўда, зусім без крытыкі не абышлося. У тэксце звароту гаворыцца, што план мерапрыемстваў на Год жанчыны «распрацоўваўся пераважна мужчынамі і без правядзення сацыяльных даследаванняў і апытання беларускіх жанчын». Таму ў ім шмат шуму і грамадскіх мерапрыемстваў, але «па сутнасці, ніякіх зменаў або навінак» на карысць жыцця звычайнай беларускі.

А чаго канкрэтна не стае жанчынам у Віцебску? Аўтары звароту просяць дзяржаву звярнуць увагу на «спартыўна-актыўную сферу». У прыватнасці, гавораць пра недахоп лазняў і басейнаў (а ў тых, што ёсць, — цэны вышэй за сталічныя).

Акрамя таго, адзначаецца ў тэксце, чамусьці ў віцебскіх уладаў знайшліся грошы на два вялікія вулічныя экраны ў парку 1000-годдзя і новыя фантаны на плошчы Перамогі, гандлёвыя цэнтры, яшчэ адзін лядовы палац, перакладванне тратуарнай пліткі. А кардыядыспансер, дзіцячая стаматалогія і музычныя школы, якія «знаходзяцца ў жудасна плачэўным стане», папоўнілі спіс «забытых праблем».

Усяго за некалькі гадзін паведамленне набрала некалькі тысяч праглядаў і пару дзясяткаў лайкаў, але пакідаць у каментарыях свае ПІБ у публічным доступе гараджане не спяшаюцца. А з сітуацыі ў цэлым напрошваюцца цікавыя высновы.

Па-першае, нават умоўна нейтральным грамадзянам відавочна, што абвешчаны ўладамі Год жанчыны — пра піяр, шуміху і паказуху, але не пра рэальную, адчувальную дапамогу і падтрымку беларусак. Таму не крытыкаваць, а толькі дзякаваць Лукашэнку за мудрасць ніяк не атрымліваецца.

Па-другое, сацсеткі па-ранейшаму ўспрымаюцца як больш эфектыўны сродак дастукацца да «верхавоў» (прычым адразу да ўзроўню кіраўніка, а не аблвыканкама), чым арганізаваныя чыноўнікамі «гарачыя лініі» і выязныя прыёмы. Хоць публічна выказаць абурэнне, просьбы і патрабаванні многія баяцца — прайшлі, ведаем, што не для ўсіх блогераў і прасіцеляў такая актыўнасць добра заканчвалася.

Нарэшце, па-трэцяе, Лукашэнка так імкнуўся стварыць вобраз «народнага» і «жаночага» прэзідэнта, так заклікаў беларусак скардзіцца асабіста яму, калі нехта раптам пакрыўдзіць (а ён «чытае TikTok і абавязкова адрэагуе»), што, як кажуць, сабе на бяду і дасягнуў гэтага.

Цяпер менавіта да яго звяртаюцца віртуальныя хадакі любога полу наогул па ўсіх тэмах, будзь то лазні, цяпло ў дамах, крамы, дзіцячыя сады, затрымкі зарплаты, юрыдычныя калізіі, адтэрміноўкі ад войска, паліклінікі, рост коштаў, аліменты, калгасы, дарогі і іншае, іншае, іншае. І вось ён ужо асабіста адкрывае паліклініку ў Мінску — а чым лазня ў Віцебску горшая?

Нярэдка кіраўніку даводзіцца разблытваць створаныя ім жа праблемы — узгадаем хаця б скандальную леташнюю эпапею з бульбай. І, здаецца, да ўвасаблення ў жыццё старога КВНаўскага жарту пра перабор бульбы па тэлефоне: «Добрая… добрая… дрэнная…» — засталося зусім трошкі.

Як кажуць, за што змагаліся.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]