Аляксандр Каваленка: Лукашэнка прагаварыўся

Украінскі ваенны эксперт лічыць, што беларускі дыктатар раскрыў планы Крамля.

Лукашэнка заявіў, што беларуская армія павінна рыхтавацца да вайны.

З кім насамрэч сабраўся ваяваць дыктатар?

Пра гэта сайт Charter97.org пагаварыў з украінскім ваенна-палітычным аглядальнікам групы «Інфармацыйны супраціў» Аляксандрам Каваленкам:

— Думаю, што Лукашэнка ні з кім не рыхтуецца ваяваць. Ён будзе да апошняга моманту, чаго б гэта яму ні каштавала, ўнікаць і абстрагавацца ад прамога ўдзелу ў тым ці іншым канфлікце.

Напрыклад, так было ў 2022 годзе, калі пачалося поўнамаштабнае ўварванне ва Украіну расійскіх войскаў з тэрыторыі Беларусі, і пасля таго, як камандаванне Узброеных Сіл РФ зразумела, што хуткага захопу тэрыторыі Украіны не атрымаецца, для гэтага ім не хапае рэсурсаў, прапановы Лукашэнку адносна далучэння да вайны на той момант паступалі рэгулярна. Але ён так на гэта і не пайшоў, нават нягледзячы на тое, што на той момант сітуацыя яшчэ выглядала не настолькі правальнай, як значна пазней. Лукашэнка пакінуў за Расіяй тэрыторыю Беларусі, маўляў, можаце выкарыстоўваць яе для сваіх мэтаў, ён дапамагаў Расіі перадачай тэхнікі, боепрыпасаў са складаў і цэнтраў захоўвання, але непасрэднага ўдзелу беларускіх войскаў, прамой інтэрвенцыі не адбывалася.

Лукашэнка выдатна разумее, што ягоная армія не такая моцная, каб ён мог ёю так разкідвацца, і ён проста не можа сабе гэтага дазволіць. Яму армія патрэбная для абароны ад уласнага народа. Ягоная асноўная задача на сёння — захаванне ўласнага рэжыму.

Калі казаць пра нешта большае, то відавочна, Лукашэнка намякае на тое, што ўжо ні для каго не з’яўляецца сакрэтам: расіяне не адмовіліся ад планаў вайны з краінамі НАТА, ад уварвання ў адну з еўрапейскіх краін.

Сёння пад пагрозай знаходзяцца краіны Балтыі, асабліва Эстонія. Гэта цалкам рэальная пагроза, і Лукашэнка, думаю, выдатна дасведчаны пра планы Расіі на пэўную перспектыву, таму ён пра гэта і кажа. Але наўрад ці беларускі дыктатар будзе даваць Расіі магчымасць, напрыклад, выкарыстоўваць Узброеныя Сілы Беларусі. Тэрыторыю Беларусі — так, хутчэй за ўсё, магчыма.

— Што сёння, на ваш погляд, уяўляе сабой беларуская армія? Ці ёсць у рэжыму Лукашэнкі рэальныя сілы для прамога ўступлення ў вайну?

— Беларуская армія — гэта прыкладна 15 тысяч салдат больш-менш баяздольных падраздзяленняў. Вось што такое беларуская армія.

Калі мы гаворым пра нейкую вялікую вайну, нават пра аперацыю супраць Украіны, гэта — недзе на два тыдні актыўных наступальных баявых дзеянняў.

Мы бачым, якіх страт нясуць расійскія войскі. Прычым у іх наступы адбываюцца малымі тактычнымі групамі, даволі павольныя, паўзучыя, і нават пры гэтым яны за суткі губляюць каля тысячы і нават больш асабовага складу. А калі мы гаворым пра нейкае ўварванне, інтэрвенцыю, то гэта больш актыўныя дзеянні — калоннамі, як належыць. У складзе расійскіх войскаў беларуская армія будзе здольная трымацца даўжэй. Калі гэта будзе нейкі самастойны напрамак, самастойны ўдар, то гэта — прыкладна на два тыдні.

— Ці можа Пуцін зноў выкарыстаць тэрыторыю Беларусі для ўдару па Украіне з поўначы?

— Зараз гэты варыянт нерэальны. У цяперашніх умовах, зыходзячы з таго, што мы бачым, з тых падзей, якія адбываюцца на тэрыторыі Беларусі, з таго кантынгенту, які там сканцэнтраваны, гэта абсалютна нерэальны план. Тое самае і для ўварвання ў Польшчу або тую ж самую Літву: Расіі давядзецца яшчэ сабраць на тэрыторыі Беларусі некалькі дзясяткаў тысяч асабовага складу. Хоць бы тысяч восемдзесят або сто.

Расія можа гэта зрабіць, але для гэтага ёй спатрэбіцца мінімум паўгода. Мінімум паўгода яна будзе ўсё гэта канцэнтраваць, звозіць, размяшчаць, рыхтаваць адпаведныя лагістычныя магчымасці на тэрыторыі самой Беларусі. Але, ізноў-такі, гэта немагчыма зрабіць незаўважна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]