Іран вылучыў ЗША новую прапанову для завяршэння вайны

Тэгеран настойвае спачатку на спыненні вайны і гарантыях.

Іран прапанаваў завяршыць вайну з ЗША і спыніць напады на судны ў Армузскім праліве пры ўмове зняцця амерыканскай блакады іранскіх партоў і адтэрміноўкі перамоваў па ядзерным пытанні. Прапанову было перададзена праз пасрэднікаў, пішуць Associated Press, The Wall Street Journal і PBS са спасылкай на крыніцы сярод службовых асоб.

Выданне Axios да гэтага паведаміла, што Белы дом атрымаў прапанову, у якой Тэгеран настойвае на спыненні вайны да абмеркавання ядзернай праграмы. Паводле выдання, іранскія ўлады разыходзяцца ў меркаваннях адносна таго, якія ядзерныя ўступкі варта разглядаць.

Прадстаўніца Белага дома Алівія Уэлс заявіла CNN, што гэта далікатныя дыпламатычныя перамовы, і ЗША не будуць весці іх праз прэсу. «Як заявіў прэзідэнт, козыры ў руках Злучаных Штатаў, і яны заключаць пагадненне толькі ў тым выпадку, калі інтарэсы амерыканскага народа будуць на першым месцы, і Іран ніколі не атрымае ядзерную зброю», — падкрэсліла яна.

Прэзідэнт Дональд Трамп плануе 27 красавіка сустрэцца з высокапастаўленымі прадстаўнікамі нацыянальнай бяспекі, каб абмеркаваць тупік у перамовах з Іранам. Сустрэча адбудзецца пасля таго, як Трамп раптоўна адмяніў паездку пасланніка Стыва Уіткафа і зяця Джарэда Кушнера у Пакістан на чарговы раўнд перамоваў з іранцамі. На ёй плануецца абмеркаваць варыянты далейшых дзеянняў, у тым ліку пытанне аб аднаўленні бамбардаванняў. Зараз паміж ЗША і Іранам дзейнічае перамір’е.

Кіраўнік Белага дома растлумачыў, што вырашыў адмяніць паездку сваіх перамоўцаў у Ісламабад, таму што Тэгеран не прадставіў задавальняльнай прапановы. Ён адмовіўся накіроўваць сваю каманду без больш яснага разумення таго, на якія ўступкі Іран можа пагадзіцца і хто менавіта там прымае рашэнні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]