Пяць вар’яцкіх парад ад горэ-агранома Лукашэнкі

Дыктатар выдае банальнасці за каштоўныя ўказанні.

Аляксандр Лукашэнка прыбыў у Нараўлянскі раён, каб праінспектаваць пасяўную. Судзячы па раздаваных парадах, ён упэўнены, што без яго ў гэтай краіне ні пасеяць, ні пажаць не змогуць.

Блізкі да прэс-службы Лукашэнкі Telegram-канал прыводзіць яго «найкаштоўнейшыя» думкі, выказаныя падчас інспектавання «Эксперыментальнай базы «Крынічная». «Салідарнасць» збрала 5 найбольш важных.

Парада №1. «Трэба, каб была падрыхтаваная глеба».

А мы-то думалі так па полі раскідаць. Дзякуй, Аляксандр Рыгоравіч!

Парада №2. «Цягнуць ужо не трэба, трэба сеяць».

Хацелі да лета пачакаць, але калі вы настойваеце...

Парада №3. «Галоўнае — гаспадарыць на зямлі і не забываць пра культуру земляробства».

А так і далей займаліся б бескультурніцтвам.

Парада №4. Сховішчы павінны быць зробленыя так, каб «замест сенажу не захоўваць гнілаж».

Дык во дзеля чаго яны!

Парада №5. «Трэба арганізацыя і трэба чалавечае стаўленне да скаціны».

Хацелася б яшчэ, вядома, чалавечага стаўлення да чалавека, але гэта ўжо пасля скаціны.

Ну і напаследак вердыкт кіраўніка наконт убачанага на комплексе:

— Дорага. Трэба старацца танней. Прыдумаць схему, каб «зубамі грызлі цану». Так, можна сказаць, будуюць за свае грошы. Але мы ж датуем сельскую гаспадарку. Маглі б зэканоміць грошы для іншых праектаў.

Датуем? Маглі б зэканоміць на нешта іншае? Ды неее. Куды ж тады ездзіць, каб раздаваць такія найкаштоўнейшыя парады?!

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]