Івонцы Сурвіле — 90 гадоў

Старшыня Рады БНР святкуе юбілей.

11 красавіка спаўняецца 90 гадоў беларускай грамадска-палітычнай дзеячцы і старшыні Рады Беларускай Народнай Рэспублікі Івонцы Сурвіле.

Івонка Сурвіла (дзявочае прозвішча — Шыманец) нарадзілася ў 1936 годзе ў Стоўбцах. У 1944 годзе выехала з Беларусі разам з бацькамі. Бацька Івонкі, Уладзімір Шыманец, быў міністрам фінансаў у ўрадзе БНР часоў Мікалая Абрамчыка.

Яна жыла ў Францыі, Даніі, Іспаніі, а цяпер жыве ў Канадзе.

Вучылася ў Вышэйшай мастацкай школе ў Парыжы. У 1959 годзе скончыла лінгвістычны факультэт Сарбоны. Акрамя роднай мовы, валодае яшчэ васьмю: французскай, іспанскай, англійскай, нямецкай, дацкай, лацінскай, нарвежскай і польскай.

У 1959–1965 гадах працавала ў беларускай рэдакцыі Іспанскага нацыянальнага радыё, выкладала французскую мову ў Французскім інстытуце ў Мадрыдзе.

З 1969 па 1996 гады працавала на розных пасадах у Бюро перакладаў пры федэральным урадзе Канады.

У 1974 годзе Івонка Сурвіла была абраная старшынёй Беларускага інстытута навукі і мастацтва, у 1984 — у склад праўлення Канадскай этнакультурнай рады.

У 1989 годзе разам з іншымі прадстаўнікамі беларускай дыяспары Сурвіла заснавала Канадскі фонд дапамогі ахвярам Чарнобыля ў Беларусі і была яго кіраўніцай да моманту яе абрання ў 1997 годзе старшынёй Рады БНР. Апошні раз была перавыбраная на гэтую пасаду ў 2023 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]