Падзенне сістэмы

Ні пра якое выпраўленне сітуацыі нават гаворкі не ідзе.

Ну і раз ужо я сёння пачаў пісаць пра праблемы, што перашкаджаюць уладам ратаваць расійскую эканоміку, дык вось вам яшчэ адна думка.

Спіс бедаў не вычэрпваецца вайной, санкцыямі і чэкісцкім бясчынствам. Сапраўднай праблемай расійскай эканомікі з’яўляецца ручны характар кіравання ёю. Сістэма, што функцыянуе ў падобным фармаце, не стварае стымулаў да доўгатэрміновага развіцця. Калі ты працуеш у межах дакладна прапісаных і нязменных правілаў, ты разумееш, што будзе праз некалькі гадоў і маеш магчымасць выбудоўваць доўгатэрміновыя планы, а ў сітуацыі, калі начальства можа ў любы момант гэтыя правілы змяніць, ты разумееш, што адзіны правільны спосаб утрымацца на плаву — паспець падаць голас у той момант, калі начальнік чарговы раз возьмецца за іх перапісванне. Надзея адна — каб наверсе цябе пачулі і ўлічылі твае інтарэсы. Ну а каб быць пачутым, трэба пастаянна знаходзіцца да кіраўніцтва як мага бліжэй. Вось і губернатары праціраюць штаны ў міністэрскіх прыёмных замест таго, каб працаваць у сябе на тэрыторыях. Для іх сяброўства з памочнікам міністра важней за ўсё астатняе.

Не змяніўшы такога становішча спраў, ні на якое эканамічнае развіццё краіна разлічваць не можа. Адзіным рухавіком росту ў ёй па-ранейшаму будуць заставацца сусветныя цэны на нафту. Пачаць выпраўляць названую сітуацыю, аднак, не абмежаваўшы усеўладдзе Пуціна, на змену палітычным жаданням якога як галоўнаму рухавіку працэсаў павінны прыйсці інстытуцыйныя фактары, папросту немагчыма. Усе ведаюць, што кожнага, хто паспрабуе гэта зрабіць, чакае абвінавачанне ў палітычнай нелаяльнасці, няміласць і адстаўка, а то і турма. Таму ніхто ў гэтым кірунку нават не думае. Таму ні пра якое выпраўленне сітуацыі нават гаворкі не ідзе. Падзенне працягваецца.

Аббас Галлямоў,Facebook

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]