Буйныя крамы Мінска абвясцілі распродаж

Зніжкі на тавары дасягнуць 70%.

Універмагі беларускай сталіцы ў выхадныя дні парадуюць пакупнікоў выгаднымі зніжкамі. Цэны на асобны асартымент тавараў з 10 па 12 красавіка будуць зніжаны да 70%, паведамляе «Мінск-Навіны». Расказваем, куды ісці па пакупкі.

ЦУМ

У пятніцу і ў выхадныя дні дзейнічае зніжка да 50% на нехарчовыя тавары ад 9 рублёў за адзінку або метр. Зніжка на мэблю ў гэтыя дні складзе да 10%.

ГУМ

11 і 12 красавіка да 70% будуць зніжаны цэны на тавары для дзяцей; да 60% — на ювелірныя вырабы, адзенне, бялізнавы трыкатаж, галаўныя ўборы, швейныя аксесуары, абутак для дарослых, парфумерыю і касметыку, пасуду, вырабы гаспадарчага прызначэння, тавары для шыцця, тэкстыль і сувеніры; да 40% — на парцьеры, да 30% — на камп'ютарную перыферыю; да 20% — на біжутэрыю і гадзіннікі, галантарэю і тканіны; да 15% — на фотарамкі, электратавары, бытавую і кухонную тэхніку; да 10% — на ровары і іншае.

ТД «На Нямізе» і ўнівермаг «Беларусь»

Штодня на працягу ўсяго месяца пакупнікам прапануюць зніжкі ад 5 да 70% на выдзелены асартымент розных тавараў.

ТЦ «Кірмаш»

У суботу і нядзелю тут прадугледжаны шэраг зніжак на шматлікія катэгорыі тавараў:

— да 60% — на жаночае адзенне і ювелірныя вырабы;

— да 45% — на гадзіннікі;

— да 40% — на галантарэю, мужчынскае адзенне, хатні тэкстыль і складаную бытавую тэхніку;

— да 35% — на абутак, тавары для дома, кераміку і мэблю;

— да 30% — на бялізну, панчошна-шкарпэтныя вырабы.

У пятніцу, 10 красавіка, са зніжкай ад 30% можна будзе набыць жаночае і мужчынскае адзенне, бялізнавы трыкатаж і ювелірныя вырабы, ад 25% — галантарэю і дываны. На абутак, шкарпэткі і панчохі, парфумерыю, хатні тэкстыль, касметыку, сувеніры і тавары для дома распаўсюджваюцца зніжкі ад 20%. Дзіцячае адзенне, цацкі, канцылярскія тавары і мэбля прапануюцца са зніжкай ад 15%. Пры гэтым зніжкі не распаўсюджваюцца на тавары, кошт якіх меншы за 5 рублёў, альбо на тыя, што ўдзельнічаюць у іншых акцыях.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]