ЗСУ разбілі расіян пад Арэхавам

Бітва за горад завершылася поўнай перамогай Сіл абароны Украіны.

Наступ арміі Расіі на Арэхаў у Запарожскай вобласці, які цягнуўся каля трох месяцаў, праваліўся, і цяпер горад ізноў знаходзіцца пад поўным кантролем Сіл абароны Украіны.

Пра гэта ў сваім акаўнце ў сацсетцы Х паведаміў OSINT-канал AMK Mapping.

Паводле даных AMK Mapping, апошнія прыблізна тры месяцы ў Арэхаве падраздзяленні ЗСУ вялі жорсткія баі з расійскімі акупантамі. Бітва за горад скончылася поўнай перамогай Сіл абароны, і цяпер украінскія байцы ізноў цалкам яго кантралююць.

AMK Mapping адзначае, што цяпер баявыя дзеянні перамясціліся да Наваданілаўкі. Украінскія байцы спрабуюць выціснуць ворага з паўднёвай часткі гэтага населенага пункта.

Што да Малой Токмачкі, то AMK Mapping сцвярджае, што там «захоўваецца патавая сітуацыя». Паводле даных OSINT-аналітыкаў, Сілы абароны Украіны кантралююць прыблізна палову гэтага населенага пункта.

У зводцы Генштаба ЗСУ гаворыцца, што ўчора, 4 лістапада, расійскія акупанты на Арэхаўскім напрамку не праводзілі актыўных дзеянняў. На суседнім Гуляйпольскім напрамку (гэта таксама Запарожская вобласць — заўв. рэд.) вораг дзевяць разоў атакаваў пазіцыі ЗСУ. Украінскія байцы адбілі ўсе атакі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]