Беларуска паспрабавала памяняць тры моцна абгарэлыя сторублёўкі
- 2.11.2026, 20:56
- 1,312
Што сказалі ў банку.
Беларуска знайшла ў бабуліным доме пасля пажару тры моцна абгарэлыя банкноты наміналам 100 рублёў і вырашыла даведацца, ці можна іх абмяняць. Карыстальнікі сацсеткі разышліся ў меркаваннях, а ў абмеркаванне нават уключыўся афіцыйны акаўнт «Беларусбанка». У выніку жанчына схадзіла ў банк і расказала, чым усё скончылася, перадае «Зеркало».
«Беларусь. Падкажыце, калі ласка, ці памяняе банк такія грошы?» — напісала карыстальніца Threads з нікам __aaa__ss__004, удакладніўшы, што купюры «знайшлі ў доме бабулі пасля пажару».
У пасту яна выклала фатаграфіі трох купюр наміналам 100 рублёў кожная. Судзячы па здымках, банкноты моцна абгарэлі пасярэдзіне, а некаторыя іх часткі практычна аддзяліліся адна ад адной, пры гэтым серыйныя нумары і значная частка малюнкаў захаваліся.
Карыстальнікі пачалі абмяркоўваць, ці ўдасца абмяняць пашкоджаныя 300 рублёў. Адны сцвярджалі, што праблем не ўзнікне:
«Нумары цэлыя, плошчы хапае, прымуць у банку і заменяць на новыя».
«У нас таксама была падобная сітуацыя. Усё без праблем памянялі».
«Памяняюць, я асабіста мяняла пакусаную сабакам купюру».
Аднак знайшліся і тыя, хто засумняваўся ў магчымасці абмену.
«У дадзенай сітуацыі ёсць тры банкноты, якія падвергнуліся гарэнню, у выніку чаго ўтварыліся дзве паловы адной банкноты, кожная з якіх мае плошчу менш за 55 працэнтаў, адпаведна гэтыя купюры з’яўляюцца неплацежнымі», — выказаў здагадку карыстальнік maiklfrank.
Да абмеркавання далучыўся і афіцыйны акаўнт «Беларусбанка» — там патлумачылі, якія пашкоджаныя банкноты можна абмяняць і што для гэтага спатрэбіцца:
«Праверка купюр ажыццяўляецца толькі на момант звароту ў банк. Пры сабе неабходна мець пашпарт. Да абмену банк прымае банкноты, што страцілі значную частку, але не больш за 45 працэнтаў ад сваёй першапачатковай плошчы. А таксама тыя, што змянілі афарбоўку і свячэнне ў ультрафіялетавых прамянях, пашкоджаныя агнём, вадой, іншымі вадкасцямі або хімікатамі, калі гэтыя пашкоджанні не перашкаджаюць вызначэнню сапраўднасці банкнот».
У выніку беларуска ўсё ж звярнулася ў банк. Пазней яна вярнулася ў каментары з кароткім паведамленнем: «Была ў банку, памянялі».
У якім менавіта банку ўдалося абмяняць абгарэлыя сторублёўкі, жанчына не ўдакладніла.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
