У Белым доме зрабілі заяву пра ўспышку чумы ў Расіі

У РФ ігнаруюць інцыдэнт і выдаляюць усе паведамленні пра яго.

Белы дом сочыць за паведамленнямі пра меркаваны выпадак захворвання на чуму і звязаныя з гэтым каранцінныя меры ў Расіі. Пра гэта выданню Axios паведаміў прадстаўнік адміністрацыі Дональда Трампа.

Паводле слоў чыноўніка, адміністрацыя «ў курсе сітуацыі, сочыць за ўспышкай і ацэньвае магчымыя варыянты дзеянняў».

Пасля смерці супрацоўніцы процічумнага навукова-даследчага інстытута ў Іркуцкай вобласці Дар'і Шыпілавай улады ўвялі каранцін у некалькіх медыцынскіх установах рэгіёна і ўзялі пад медыцынскае назіранне амаль 200 чалавек, якія кантактавалі з ёй. Пры гэтым заражэнне чумой афіцыйна не пацверджана, а ад расійскіх уладаў амаль няма каментароў наконт таго, што адбылося.

Як піша выданне «Людзі Байкала», губернатар Іркуцкай вобласці Ігар Кобзеў згадаў пра гібель Шыпілавай толькі ў другой частцы падборкі галоўных падзей тыдня: пасля інфармацыі пра напад мядзведзяў і вакцыны ад грыпу. Ён спаслаўся на даныя Роспатрэбнагляду, які раней заявіў, што Шыпілава памерла ад «пнеўманіі неўсталяванай этыялогіі».

Тым часам, паводле звестак Astra, афіцыйныя СМІ і ўлады выдаляюць паведамленні пра чуму. Як паведамляе канал, пост адміністрацыі Байкальска з просьбай не наведваць горад Шэлехаў правісеў каля двух гадзін, а Telegram-канал пракрамлёўскага РЭН ТВ выдаліў усе пяць публікацый пра распаўсюджанне чумы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]