Стала вядома пра гібель двух элітных лётчыкаў-акупантаў з групы «Рускія віцязі»
6- 25.10.2026, 10:49
Групу пастаянна прыцягваюць да выканання баявых задач супраць Украіны.
Падчас вучэбна‑трэніровачнага палёту 22 кастрычніка загінулі лётчыкі пілатажнай групы «Рускія віцязі» палкоўнік Алег Ярафееў і падпалкоўнік Уладзімір Качатаў. Пра гэта паведамляе расійскае выданне amic.ru.
Пры гэтым, як удакладняе Militarnyi, 21 кастрычніка ў Расіі адбыліся адразу дзве авіякатастрофы з удзелам знішчальнікаў Су‑30СМ: у адной з іх абодва лётчыкі загінулі, а ў другой — паспелі катапультавацца, а пра эпізод, нібыта які адбыўся 22‑га, нічога не вядома. Аднак нельга выключаць, што гаворка пра інцыдэнт, пра які раней не паведамлялася, або ж расСМІ проста пераблыталі дату.
Пахаваюць вопытных лётчыкаў групы, прадстаўнікі якой рэгулярна прыцягваюцца да выканання баявых задач, 27 кастрычніка ў падмаскоўных Мыцішчах.
Ваенны лётчык‑снайпер, заслужаны ваенны лётчык, намеснік начальніка Цэнтра паказу авіяцыйнай тэхнікі, 53‑гадовы палкоўнік Алег Ярафееў асвоіў Як‑52, Л‑39, МіГ‑29, Су‑27, Су‑30СМ і Су‑35С. Яго сумарны налёт складае 3300 гадзін. У асноўны склад пілатажнай групы ўваходзіў з 2003 года.
Ваенны лётчык 1‑га класа, старшы лётчык‑інспектар службы бяспекі палётаў, 40‑гадовы падпалкоўнік Уладзімір Качатаў асвоіў Л‑39, МіГ‑29, Су‑27, Су‑30СМ і Су‑35С. Агульны налёт на гэтых самалётах складае 1500 гадзін. У асноўны склад пілатажнай групы ўваходзіў з 2014 года.
«Рускія віцязі»
Пілатажная група «Рускія віцязі» была створаная ў красавіку 1991 г. на базе 1‑й эскадрыллі 237‑га гвардзейскага Праскураўскага цэнтра паказу авіяцыйнай тэхнікі імені І. М. Кажадуба пры аэрадроме Кубінка ў Маскоўскай вобласці. Аснову авіяпарку групы складаюць знішчальнікі Су‑35С. У мірны час групу прыцягалі да дэманстрацыйных палётаў падчас урачыстых мерапрыемстваў, але пасля пачатку расійска‑украінскай вайны пілотаў пастаянна прыцягваюць да баявых задач.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
