The Atlantic: Разведка ЗША працягвае дапамагаць Украіне

Нягледзячы на тое, што Трамп наладжвае адносіны з Пуціным.

Цэнтральнае разведвальнае ўпраўленне ЗША працягвае перадаваць Украіне разведвальныя даныя, у прыватнасці папярэджанні пра набліжэнне расійскіх ракет і дронаў. Гэта адбываецца нягледзячы на напружаныя адносіны паміж прэзідэнтам ЗША Дональдам Трампам і прэзідэнтам Украіны Уладзімірам Зяленскім, а таксама спробы кіраўніка Белага дома наладзіць адносіны з нелегітымным прэзідэнтам краіны-агрэсара Расіі Уладзімірам Пуціным. Пра гэта са спасылкай на крыніцы напісала The Atlantic.

Адносіны Трампа з Зяленскім апошнім часам абвастрыліся. Амерыканскі прэзідэнт заклікаў украінцаў абраць новага кіраўніка дзяржавы, назваўшы Зяленскага больш складаным суразмоўцам, чым Пуцін, і абвінаваціўшы яго ў зацягванні вайны. Пры гэтым Трамп не ўзгадаў, што менавіта Расія пачала паўнамаштабнае ўварванне ва Украіну, і не прызнаў таго, што Зяленскі неаднаразова заяўляў пра гатоўнасць да мірнай дамовы з РФ, але толькі калі яна не прадугледжвае капітуляцыі Украіны.

У той жа час амерыканская разведка пакуль працягвае падтрымліваць Украіну. Дзякуючы прадстаўленым ЗША разведвальным даным украінскія вайскоўцы наносяць удары па цэлях у глыбіні тэрыторыі Расіі, а амерыканскія разведвальныя спадарожнікі забяспечваюць ранняе папярэджанне аб ракетных і дронавых атаках. Высокапастаўлены амерыканскі афіцэр у адстаўцы, які рэгулярна бывае ва Украіне, распавёў выданню, што сярод амерыканскіх прадстаўнікоў, задзейнічаных у падтрымцы Кіева на месцах, вядучую ролю адыгрывае ЦРУ. Супрацоўнік разведвальнай службы адной з прыбалтыйскіх краін, якая супрацоўнічае з ЗША ў супрацьдзеянні Расіі, таксама заявіў, што аперацыі амерыканскага ведамства сталі «значна больш агрэсіўнымі», чым пры прэзідэнцтве Джо Байдэна.

Трамп працягвае шукаць магчымасці для дамоўленасцяў з Масквой. Ён ужо абвясціў пра маштабную здзелку па закупе расійскага дызельнага паліва, разлічваючы, што эканамічныя стымулы дапамогуць вярнуць Пуціна за стол перамоваў. У той жа час такія крокі могуць прынесці Расіі дадатковыя даходы, нягледзячы на тое, што яна працягвае вайну супраць Украіны, гаворыцца ў артыкуле.

Паводле звестак СМІ, кіраўнік Белага дома таксама пагражаў спыніць перадачу Украіне разведвальных даных, калі Кіеў не пагодзіцца спыніць удары па расійскіх нафтаперапрацоўчых заводах. На думку журналіста, Трамп фактычна можа выкарыстоўваць разведвальную падтрымку як інструмент ціску на ўкраінскае кіраўніцтва, не вылучаючы пры гэтым аналагічных патрабаванняў да Масквы.

Дырэктар ЦРУ Джон Рэткліф апынуўся паміж палітыкай прэзідэнта і патрэбамі Украіны ў разведвальнай дапамозе. Паводле выдання, ён ўсведамляе пагрозу, якую Расія ўяўляе не толькі для Украіны, але і для ЗША і іх саюзнікаў. Падобную ацэнку падзяляюць дзяржсакратар Марка Рубіа і міністр абароны Піт Хегсет, хоць апошнім часам яны таксама падтрымліваюць публічную рыторыку Трампа.

Рэткліф, як адзначае The Atlantic, скарыстаў канал сувязі паміж амерыканскімі і расійскімі спецслужбамі, каб данесці да Масквы ацэнку сітуацыі на фронце. Паводле звестак суразмоўцаў выдання, амерыканская разведка лічыць, што ніводзін з бакоў не атрымаў вырашальнай перавагі ў вайне. Вашынгтон спадзяецца, што ўсведамленне рэальнага становішча спраў можа падштурхнуць Пуціна да перамоваў.

Аднак украінскі бок не лічыць дырэктара ЦРУ безумоўным саюзнікам. Рэткліф падпарадкоўваецца Трампу і ў выпадку адпаведнага загаду прэзідэнта, найхутчэй, спыніць перадачу разведвальных даных Украіне. Паводле слоў людзей, знаёмых з яго працай, ён наўрад ці будзе спрабаваць пераканаць кіраўніка дзяржавы змяніць такое рашэнне, нават нягледзячы на непакой унутры ведамства.

У матэрыяле таксама згадваюцца перабоі ў працы спадарожнікавай сістэмы Starlink і амерыканскіх сродкаў ранняга папярэджання, якія ўскладнялі выяўленне расійскіх ракет. У той жа час ЗША афіцыйна не спынілі перадачу разведвальнай інфармацыі Украіне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]