Кум Пуціна едзе на перамовы па Данбасу ў Менск

Віктар Медведчук возьме ўдзел у перамовах у вызваленні ўкраінскіх закладнікаў з палону баявікоў.

Пра гэта гаворыцца ў паведамленні Службы бяспекі Украіны, апублікаваным у аўторак, 23 снежня.

«У СБУ прыйшлі да высновы аб мэтазгоднасці нестандартных мер, каб дамагчыся галоўнага - вызвалення гэтых людзей яшчэ да Каляд. У СБУ прызналі мэтазгодным да рэалізацыі плана прыцягнуць у рабочую групу ў складзе першага намесніка старшыні СБУ, кіраўніка Антытэрарыстычнага цэнтра пры СБУ Васіля Грыцака, старшыню Міжведамаснага цэнтра ў абмене палоннымі Юрыя Тандыта і інкарпараваць у гэтую працу Віктара Медведчука», - гаворыцца ў паведамленні.

Паводле паведамлення СБУ, на 23 снежня з палону баевікоў вызвалілі 1351-га грамадзяніна Украіны, але яшчэ сотні знаходзяцца ў закладніках.

Як паведаміла прадстаўніца АБСЕ Хайдзі Тальявіні, на сустрэчы трохбаковай кантактнай групы ў Менску абмяркуюць чатыры блокі пытанняў: спыненне агню усімі бакамі, адвод усімі бакамі цяжкай тэхнікі, абмен палонных «усіх на ўсіх», дастаўкі гуманітарных грузаў на падкантрольныя баявікам тэрыторыі для прадухілення гуманітарнай катастрофы.

Менская сустрэча запланаваная на 24 снежня, яна будзе закрытай для прэсы.