«Гэта хімічная атака ледзь не загубіла наш офіс»

Жыхары Гомеля масава паскардзіліся на рэзкі непрыемны пах.

Увечары 3 верасня жыхары Гомеля ў сацсетках масава паведамлялі пра рэзкі непрыемны пах у розных частках горада, адзначыў «Флагшток». Гамяльчане скардзіліся на смурод у Валатове, Старым Аэрадроме, у цэнтральнай частцы горада, у раёне вакзала.

Большасць каментарыяў былі іранічнымі:

«Бліжэй да 17.00 на Аэрадроме гэта хімічная атака ледзь не загубіла наш офіс».

«Выйшлі з мужам з дому ў 17.30 і пачалі па чарзе падымаць ногі і разглядаць падэшвы абутку, думалі, што дзесьці ўляпаліся».

Асабліва моцны смурод быў у Валатове, адзначылі карыстальнікі. Адзін з іх так патлумачыў гэтую з'яву:

«За Касцюкоўкай чысцяць канавы — вось і ідзе пах адтуль. У Касцюкоўцы ўвогуле няма чым дыхаць».

Іншы жыхар адзначыў, што за горадам палі ўгнойваюць — такая сітуацыя назіраецца штогод.

Выказалі і яшчэ адну версію:

«Гэта не гноем смярдзіць, а касцявым заводам, дзе перапрацоўваюць тушы жывёл. Ён знаходзіцца ў Балшавіку. Уявіце, як нам, хто тут жыве».

Афіцыйных каментарыяў на гэтую тэму ад дзяржаўных органаў не было.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]