Пуцін у сябе ў бункеры намеціць мэту

А народ будзе са ўсім згодны.

Учора Пуцін сказаў, што ў гэтую электаральную кампанію расійскі народ апраўдаў яго высокі давер. Што расійскі народ галасаваў не проста за правільных дэпутатаў Дзярждумы. Пуцін сказаў, што ў гэтую электаральную кампанію расійскі народ галасаваў за яго байцоў і ветэранаў. То бок галасаваў за вайну.

І ў чым, пытаецца, Пуцін няправы? Бо насамрэч апраўдаў. Нават паводле самых незалежных назіранняў за пуцінскую Расію прагаласавалі 35 працэнтаў удзельнікаў электаральнай кампаніі. То бок палову дэпутацкіх месцаў пуцінская Расія брала ў любым выпадку. Не кажучы ўжо пра тое, што астатнія дэпутацкія месцы там таксама пуцінскія.

Зразумела, што гэтае галасаванне і гэтая Дума мелі чыста сімвалічнае значэнне. Але атрымліваецца, што расійскі народ не выказаў сваёй нязгоды нават чыста сімвалічна. То бок расійскі народ са ўсім згодны. І з чэргамі па бензін і з тым, што ў яго згарэлі кофтачкі на складах і з не надта мірным небам над галавой. А калі народ са ўсім гэтым згодны, дык навошта нешта мяняць?

Дык Пуцін учора сказаў, што ён нічога і мяняць не будзе. Што яны і раней дасягалі сваіх мэтаў штодня ўсімі даступнымі сродкамі. А цяпер, са згоды расійскага народа, яны будуць дабівацца гэтых мэтаў яшчэ часцей. Бо расійскі народ, атрымліваецца, верыць у гэтыя мэты не горш за самога Пуціна.

Я маю на ўвазе, што пуцінскі народ жа нават не ведае, у чым гэтыя мэты заключаюцца. Бо Пуцін дагэтуль нікому не сказаў. Але, атрымліваецца, пуцінскі народ усё роўна верыць. А што яшчэ чалавеку трэба для поўнай электаральнай гармоніі? Каб народ быў са ўсім згодны і не задаваў дурных пытанняў.

Вось народ быў са ўсім згодны і ніякіх пытанняў не задаваў. Нягледзячы на тое, што ў яго была такая магчымасць. Хай нават чыста сімвалічная.

А цяпер што ўжо там у народа пытацца? Цяпер якую мэту Пуцін у сябе ў бункеры намеціць, з такой мэтай народ у яго па тэлевізары і будзе згодны. А мэтаў у Пуціна шмат. І заканчэнне вайны ў спіс гэтых мэтаў відавочна не ўваходзіць. У гэты спіс уваходзіць нешта зусім наадварот.

Дык нікуды расійскі народ цяпер не дзенецца. Пойдзе з Пуціным да канца, куды б Пуцін яго ні павёў. Хіба што па дарозе што-небудзь прыляціць.

Тэлеграм-канал «Лісты да дачкі»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]