Украіна ўдарыла па нафтабазах у найбуйнейшых рэгіёнах Паўднёвай федэральнай акругі Расіі

Ёсць пашкоджанні.

Мінулой ноччу Сілы абароны Украіны нанеслі ўдары па нафтабазах у найбуйнейшых рэгіёнах Паўднёвай федэральнай акругі Расіі.

Аб гэтым паведамляе РБК-Украіна са спасылкай на тэлеграм-канал Exilenova+ і заяву губернатара Растоўскай вобласці Юрыя Слюсара.

Паводле апошніх звестак, у Растоўскай вобласці «ў выніку падзення абломкаў БПЛА» былі пашкоджаны адміністрацыйныя будынкі нафтабазы ў Кагальніцкім раёне.

Гэтую інфармацыю ўжо афіцыйна пацвердзіў мясцовы губернатар Слюсар.

Ён сцвярджае, што ўкраінская атака не прывяла да пажару і дадаў, што ніхто не пацярпеў.

Паводле слоў Слюсара, расійская ППА нібыта паспела знішчыць беспілотнікі ў Таганрозе і Неклінаўскім раёне.

Акрамя таго, паведамляецца, што пад новыя ўдары Сіл абароны трапіў Краснадарскі край.

У аператыўным штабе рэгіёна прызналі, што «з-за падзення абломкаў БПЛА» ўзнік пажар на тэрыторыі аднаго з прадпрыемстваў у Дзінскім раёне.

Як удалося высветліць маніторынгаваму каналу Exilenova+, ідзе пра нафтабазу ў станіцы Новатытараўскай.

Раніцай 24 верасня Міністэрства абароны Расіі заявіла пра 40 абясшкоджаных украінскіх беспілотнікаў над пералічанымі рэгіёнамі.

У Мінабароны РФ дадалі, што Узброеныя сілы Украіны таксама атакавалі Бранскую, Белгародскую, Курскую і Цвярскую вобласці і акупаваны Крым.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]