У Уроцлаве прадставяць кнігу «Беларусь Наталлі Радзінай»

Сустрэча адбудзецца 24 верасня.

Новую кнігу вядомага гісторыка і публіцыста Юрыя Фельштынскага «Беларусь Наталлі Радзінай: журналістка супраць дыктатара» прадставяць у польскім Уроцлаве.

У сустрэчы, якая адбудзецца 24 верасня а 18:00 ў офісе «Суполкі Беларусаў Уроцлава» па адрасе Tadeusza Kościuszki 35A/51, возьмуць удзел галоўны рэдактар сайта Charter97.org Наталля Радзіна, трохразовая прызёрка Алімпійскіх гульняў, чэмпіёнка свету і Еўропы па плаванні Аляксандра Герасіменя і каардынатар грамадзянскай кампаніі «Еўрапейская Беларусь» Яўген Афнагель.

Новая кніга вядомага гісторыка і публіцыста Юрыя Фельштынскага — гісторыя Беларусі, убачаная праз прызму жыцця Наталлі Радзінай, праз супраціў журналісткі, якая апынулася ў эпіцэнтры палітычнай барацьбы і адмовілася падпарадкавацца дыктату. Гэта гісторыя пра мужнасць, прынцыповасць, бескампраміснасць і пра цану свабоды. Праз лёс аднаго журналіста прасочваецца лёс народа, які не перастае змагацца за свабоду.

На старонках кнігі з’яўляюцца і многія вядомыя сучаснікі — Станіслаў Шушкевіч, Даля Грыбаўскайце, Лех Валэнса, Анджэй Вайда, Барыс Нямцоў, Леанід Неўзлін, Хілары Клінтан і іншыя.

Гэтая кніга будзе цікавая не толькі гісторыкам, журналістам і палітолагам, але і ўсім, хто хоча лепш зразумець Беларусь і яе сучасную гісторыю.

Прэзентацыя адбудзецца 24 верасня, у чацвер, а 18:00

Адрас: Уроцлаў, офіс «Суполкі Беларусаў Уроцлава», Tadeusza Kościuszki 35A/51 (на дамофоне націснуць 51, падняцца на адзін паверх, ісці па стрэлках з надпісам «Суполка Беларусаў Уроцлава»).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]