Лукашэнка раззлаваўся на рэкламу з Саладухам

Дыктатар занепакоіўся, што яго звязваюць з ігральным бізнесам.

Лукашэнка паказальна раззлаваўся на рэкламу ігральнага бізнесу, які гадамі паспяхова існаваў і квітнеў у краіне пры поўным папушчальніцтве ўладаў, піша БелТА.

«Як яны ў вас называюцца: «круці гуся» — паўсюль вы паразвешвалі гэтую рэкламу. Ужо дайшло да таго, аказваецца, быццам гэтым займаецца мая сям’я. Мая сям’я… Мяне якраз штодня прыціскаюць. Яны мяне душаць, каб я звярнуў на гэта ўвагу», — заявіў Лукашэнка.

«Што робіцца ў краіне: у нас усе гэтага гуся круцяць. Звярніце ўвагу, сур’ёзна займіцеся гэтым», — даручыў ён.

Фраза «круці гуся» стала вядомай дзякуючы букмекерскай кампаніі «Макслайн», у якой зняўся спявак Аляксандр Саладуха.

Як пісаў сайт Charter97.org, пасля забароны казіно ў Расіі ў 2009 годзе Беларусь стала адным з асноўных цэнтраў ігральнага бізнесу ў рэгіёне. Адно з найбуйнейшых афлайн-казіно, што працуе ў краіне, — Shangri La.

«Shangri La належыць кампаніям, зарэгістраваным на Кіпры, якія звязаныя з Аляксеем Аляксіным — адным з так званых «кашалькоў» Лукашэнкі, які знаходзіцца пад санкцыямі», — кажа Івашкевіч.

У расследаваннях БРЦ таксама фігуруе казіно H Casino, якое працуе ў Мінску. Яго журналісты-расследавальнікі звязваюць з турэцкім бізнесоўцам Эгеменам Мустафам Шэнерам. Акрамя таго, БРЦ выявіў магчымую сувязь H Casino з былым супрацоўнікам аховы Аляксандра Лукашэнкі.

Сярод буйных казіно, што працуюць у Беларусі, — казіно «Опера» ў Мінску і казіно «М1» на мяжы Беларусі і Расіі. Абодва належаць расійскім уладальнікам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]