У РПЦ загадалі расіянам «не раскрываць рот» на ўладу

Непадпарадкаванне ўладзе звязалі з парушэннем пятай біблейскай запаведзі.

Расіяне павінны прывучацца падпарадкоўвацца начальству праз ушанаванне бацькоў, заявіў настаяцель Храма Жыватворнай Тройцы ў Хохлах протаіерэй Андрэй Ткачоў. Ён звязаў непадпарадкаванне ўладзе з парушэннем пятай біблейскай запаведзі «шануй бацьку і маці». «Той, хто выканаў яе, у каго яна ў сэрцы, у крыві, той… не раскрывае свой гнілазубы рот на ўсякага начальніка», — сказаў святар.

Па словах Ткачова, ганіць начальства — «дзяржаўнае, царкоўнае» — людзей «навучыў Сатана». «Нічога святога для іх няма. Ліхаслоўяць улады… Не баяцца. Жывуць, як бясы. Лічаць, што… наверсе самыя галоўныя дуракі», — адзначыў ён. З пункта гледжання протаіерэя, ушанаванне бацькоў магло б прадухіліць рэвалюцыі і бунты ў Расіі, бо ў такім выпадку людзі баяліся б «падымаць руку на тых, каго Бог паставіў вышэй за іх».

Раней у РПЦ назвалі найбольшай небяспекай для расіян непаслухмянасць Царкве і наяўнасць уласнай думкі. Іерэй Аляксандр Сяргееў наракаў, што, маючы доступ да інтэрнэту, людзі аддаюць перавагу самастойна вывучаць розныя пытанні і фармаваць погляды, не кіруючыся голасам духавенства.

Кіраўнік РПЦ патрыярх Кірыл таксама рэгулярна выказваецца на тэму стаўлення грамадзян да ўлады. Напрыклад, за некалькі месяцаў да чацвёртай гадавіны ўварвання ва Украіну ён казаў, што расіяне павінны дзякаваць Богу за прэзідэнта Уладзіміра Пуціна і «за ўсё тое, што сёння здзяйсняе Расія».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]