Прэзідэнт Літвы выступіў у Кіеве па-ўкраінску

Гітанас Науседа павіншаваў украінцаў з Днём сцяга.

Прэзідэнт Літвы Гітанас Науседа у Кіеве падчас урачыстасцей з нагоды Дня Дзяржаўнага сцяга Украіны выступіў з прамовай на ўкраінскай мове.

Трансляцыя выступлення была апублікаваная на YouTube-канале Офіса Прэзідэнта.

Науседа ў прамове, якая працягвалася больш за тры хвіліны, павіншаваў прэзідэнта Уладзіміра Зяленскага і ўкраінцаў з Днём сцяга.

«Дух свабоды, які я тут адчуваю, нельга параўнаць ні з чым. Прыклад самаахвяравання, які вы дэманструеце штодня, асабліва дарагі для літоўскага народа. Мы добра ведаем сілу свабоды. Мы ведаем, як балюча яе страціць і колькі намаганняў трэба, каб яе вярнуць», — заявіў літоўскі прэзідэнт.

Ён падкрэсліў, што Літва шчыра падтрымлівае Украіну, а таксама запэўніў, што будзе і надалей гэта рабіць.

«Мы дапаможам Украіне адбудаваць разбураныя школы, бальніцы, электрастанцыі. Мы дапаможам вам у імкненні да сяброўства ў Еўрапейскім Саюзе і НАТА», — дадаў Науседа.

Дзень Дзяржаўнага сцяга Украіны штогод адзначаецца 23 жніўня. Гэтае свята прысвечана аднаму з галоўных сімвалаў краіны і традыцыйна папярэднічае Дню Незалежнасці, які святкуюць 24 жніўня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]