Галоўная аўтамабільная падзея Беларусі ў гэтым годзе не адбудзецца

Арганізатары назвалі прычыну.

Міжнародны аўтасалон «Матор-шоў», які планавалі правесці восенню 2026-га, перанеслі на май 2027-га. Арганізатары патлумачылі рашэнне зменамі на айчынным аўтарынку і новымі ўмовамі ўвозу электрамабіляў, паведамляе Беларуская аўтамабільная асацыяцыя (БАА).

Выбар веснавых тэрмінаў патлумачылі чаканымі зменамі на аўтамабільным рынку Беларусі: да канца года прагназуецца пашырэнне прадстаўленай у краіне лінейкі аўтамабільных брэндаў і мадэляў.

Яшчэ адным фактарам стала змяненне ўмоў увозу электрамабіляў. Квота на іх бязмытны ўвоз, што дзейнічала ў 2026 годзе, вычарпана, і далейшыя пастаўкі ажыццяўляюцца з аплатай увазной мытнай пошліны.

«Правядзенне «Матор-шоў» у маі дазволіць прадставіць наведвальнікам больш поўную карціну аўтамабільнага рынку і адначасова верне выставу да традыцыйнага веснавога фармату, з якім яна была звязана на працягу многіх гадоў», — паведамілі ў БАА.

Дакладныя даты аўтасалона ў маі 2027-га арганізатары абяцаюць назваць пазней.

«Матор-шоў» — адзін з найбуйнейшых аўтамабільных мерапрыемстваў у Беларусі. Пасля 11-гадовага перапынку аўтасалон адрадзілі ў 2024 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]