Паўтарыў трук Шумахера: электрамабіль праехаў па столі тунэля дагары нагамі

Для здымкі відэароліка выбралі флагманскі Voyah Passion S.

Новы Voyah Passion S прадэманстраваў уражлівы трук. Электрамабіль зрабіў паварот на 360 градусаў у тунэлі і праехаў па столі.

Электрамабіль Voyah Passion S канцэрна Dongfeng выканаў своеасаблівую пятлю ў тунэлі ў Кітаі. Пра гэта паведамляе сайт CarNewsChina.

У кампаніі Dongfeng вырашылі паўтарыць трук Міхаэля Шумахера, які ён выканаў на суперкары Mercedes SLS AMG у 2010 годзе. Нямецкі гоншчык зрабіў паварот на 360 градусаў у тунэлі — праехаў па столі дагары нагамі і працягнуў рух.

Каб выканаць пятлю, у тунэлі збудавалі спецыяльныя рампы-трампліны, якія дазволілі аўтамабілю падняцца проста да столі і спусціцца з яе. Вадзіцель Voyah Passion S павінен быў падтрымліваць пастаянную хуткасць 130 км/г і трымаць руль пад кутом 16 градусаў, каб праезд атрымаўся. У Dongfeng не раскрываюць колькасць спробаў, але трук усё ж удаўся.

Варта адзначыць, што для Voyah Passion S такі трук складаней, чым для Mercedes SLS AMG, бо кітайскі электрамабіль большы і цяжэйшы. У той жа час ён і крыху магутнейшы.

Для здымкі відэароліка выбралі флагманскі электрамабіль Voyah Passion S з поўнапрываднай сілавой устаноўкай магутнасцю 637. Ён здольны разганяцца да 100 км/г за 4,5 с і мае запас ходу 700 км.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]