Большасць украінцаў вераць у перамогу над Расіяй
- 10.08.2026, 17:18
Пра гэта сведчаць вынікі новага апытання.
Абсалютная большасць украінцаў (82%) верыць у тое, што Украіна пераможа ў вайне супраць Расіі. Пра гэта сведчаць вынікі апытання, праведзенага Кіеўскім міжнародным інстытутам сацыялогіі ў перыяд з 16 па 31 ліпеня 2026 года.
59% лічаць, што Украіна безумоўна пераможа РФ у вайне. Яшчэ 23% лічаць, што перамогу хутчэй атрымае Украіна.
З адказам не вызначыліся 16%. І толькі 7% лічаць, што перамогу ў вайне атрымае Расія.
Калі скончыцца вайна ва Украіне
У той жа час украінцы скептычна ставяцца да таго, што вайна ва Украіне скончыцца ўжо ў бліжэйшы час: 5% лічаць, што гэта можа адбыцца ў бліжэйшыя тыдні, да канца лета 17% спадзяюцца на заканчэнне вайны восенню-зімою 2026 года. Яшчэ 13% разлічваюць на заканчэнне вайны ў першай палове 2027 года. А 39% лічаць, што гэта адбудзецца ў другой палове 2027 года або пазней.
Таксама сацыёлагі адзначаюць значную долю рэспандэнтаў (а менавіта 26%), якія не змаглі адказаць на гэтае пытанне. Адзначаецца, што гэта толькі падкрэслівае той факт, што ўсё менш украінцаў вераць у заканчэнне вайны ў бліжэйшы час.
Адзначаецца, што апытанне праводзілася змешаным метадам. Палову ўдзельнікаў апыталі метадам тэлефонных інтэрв'ю, а палову – метадам асабістых інтэрв'ю. Усяго ў апытанні прынялі ўдзел 1808 чалавек.
Стаўленне украінцаў да заканчэння вайны
Нагадаем, раней іншае апытанне КМІС паказала, што 61% рэспандэнтаў гатовыя цярпець вайну ва Украіне столькі, колькі спатрэбіцца. Адзначаецца, што калі са студзеня па красавік гэты паказчык знізіўся з 65% да 48%, дык ужо пачынаючы з красавіка ён амаль вярнуўся да былога ўзроўню.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
