У Польшчу заляцелі дзве расійскія ракеты?

Туск раскрыў апошнюю інфармацыю аб начным інцыдэнце.

Прэм’ер-міністр Польшчы Дональд Туск, наведаўшы месца падзення ракеты ў Люблінскім ваяводстве, распавёў падрабязнасці начнога інцыдэнту: падчас масіраванай атакі Расіі на Украіну польскую паветраную прастору парушылі адразу два аб’екты.

Паводле слоў Туска, украінскія знішчальнікі суправаджалі ракеты аж да польскай мяжы і спрабавалі збіць іх яшчэ на падлёце. «Няма падстаў меркаваць, што мэтай была Польшча, але два з гэтых аб’ектаў парушылі польскую паветраную прастору. Адзін — дакладна, бо тут маем яго сляды, а другі — паблізу польскай мяжы, але гэта быў вельмі-вельмі кароткачасовы сігнал, таму ніякіх наступстваў не было», — удакладніў прэм’ер.

Ён таксама падкрэсліў, што польскія вайскоўцы былі гатовыя збіць ракету, калі б яна пачала непасрэдна пагражаць населенаму пункту. Аднак у гэтым не ўзнікла неабходнасці — ракета ўпала раней, у безлюднай мясцовасці, яшчэ да таго, як было прынята рашэнне аб яе знішчэнні.

Раней Туск заявіў, што ў Польшчу магла заляцець расійская ракета Х-101.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]