У Мінску ўзнік ажыятаж вакол яшчэ аднаго тыпу нерухомасці
1
За яе ідуць «баі».
Невялікія нежылыя памяшканні ў жылых дамах у Мінску становяцца аб'ектамі жорсткай барацьбы на аўкцыёнах. Пачатковы кошт у некалькі тысяч рублёў узлятае да шасцізначных сум, а колькасць ўдзельнікаў дасягае рэкордных значэнняў, адзначаюць аналітыкі праекта Wikidom.by.
Ідзе гаворка пра былыя тэхнічныя памяшканні на вуліцы Русіянава. Гэтыя лоты плошчай каля 16 квадратных метраў з уласнымі санвузламі і старой аздобай прыцягнулі ўвагу не толькі нізкім пачатковым коштам (каля 7700 рублёў, або прыблізна 2600 долараў), але і паспяховым досведам мінулых гадоў.
«Першыя таргі, што прайшлі 24 ліпеня, пераўзышлі ўсе чаканні. За памяшканне на вул. Русіянава, 24−4Н, плошчай 16 кв. м разгарнулася сур'ёзная барацьба, у якой узяла ўдзел рэкордная колькасць прэтэндэнтаў — 173 інвестары. Пачатковы кошт у 7600 рублёў быў шматразова перакрыты, і лот пайшоў з малатка за 115 140 рублёў, што перавысіла пачатковы кошт у 15,2 раза», — адзначае Wikidom.by.
28 ліпеня таксама адбыліся таргі па такім жа памяшканні на вул. Русіянава, 24−5Н. Тут прыняў удзел 131 інвестар, які ў змаганні павялічыў пачатковы кошт у 7700 рублёў да 108 955 рублёў. У выніку канчатковая цана перавысіла стартавую прыкладна ў 14 разоў.
«Падобны ажыятаж можа стаць заканамерным працягам леташняга трэнду. У чэрвені 2025 года на гэтай жа вуліцы два аналагічныя памяшканні былі прададзены за 71 тыс. і 70,2 тыс. рублёў пры пачатковым кошце каля 7–8 тыс., паказаўшы дзевяці- і дзесяцікратны рост», — удакладняюць аналітыкі.
Яны таксама дадалі, што галоўная асаблівасць гэтых памяшканняў — статус і функцыянальнасць:
«Яны прызначаныя выключна для камерцыйнага выкарыстання: тут можна адкрыць офіс, склад, майстэрню, б'юці-кабінет або пункт аказання паслуг. Аднак ёсць важнае абмежаванне: перавесці гэтыя метры ў жылфонд і выкарыстоўваць як кватэру нельга — гэта забаронена законам, статус нежылога памяшкання захоўваецца назаўсёды. Пры гэтым прадавец (дзяржаўнае прадпрыемства «Домэнергасэрвіс») выстаўляе абавязковую ўмову: новы ўласнік абавязаны пачаць выкарыстоўваць памяшканне па прызначэнні на працягу аднаго года пасля куплі».
Улічваючы поспех мінулых аўкцыёнаў, «інтрыга захоўваецца», лічаць аналітыкі.
«Наступныя таргі па аналагічных лотах адбудуцца ўжо хутка: 30 ліпеня — вул. Русіянава, 24−6Н (плошча 16,2 кв. м, пачатковы кошт — 7700 рублёў). Зноў адважымся дапусціць, што пачатковы кошт на астатні лот мае ўсе шанцы ператварыцца ў шасцізначную суму. Магчыма, барацьба паўторыцца або нават пераўзыдзе вынік 24 і 28 ліпеня. Такім чынам, мінскія «бізнес-каморкі» становяцца не проста здзелкай з нерухомасцю, а сапраўдным інвестыцыйным феноменам, дзе сціплыя бытоўкі ператвараюцца ў лакамытны кавалак у руках прадпрымальнікаў», — рэзюмуе праект Wikidom.by.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
