Судна GOLDEN LEO патанула каля Адэсы

Яго атакавалі расіяне.

Сухагруз GOLDEN LEO, які 19 ліпеня быў пашкоджаны у выніку расійскага ракетнага ўдару каля Адэсы, патануў. Пра гэта паведаміла Адміністрацыя суднаходства Украіны.

Паводле ведамства, у выніку атакі судна атрымала сур’ёзныя пашкоджанні корпуса і надбудовы, з-за чаго страціла марскую прыдатнасць і пасля апусцілася пад ваду. На момант затаплення членаў экіпажа на борце ўжо не было.

У Адміністрацыі суднаходства ўдакладнілі, што судна GOLDEN LEO (IMO 9181833) хадзіла пад сцягам Гвінеі-Бісаў і перавозіла кукурузу. Атака адбылася падчас выхаду судна з порта Чорнаморск па марскім калідоры.

«Атакуючы гандлёвыя суда, Расія груба парушае нормы міжнароднага марскога права, прынцыпы свабоды суднаходства, стварае прамую пагрозу жыццю маракоў і ставіць пад удар стабільнасць міжнародных марскіх перавозак і глабальную харчовую бяспеку», — заявілі ў ведамстве.

Паводле даных Ваенна-марскіх сіл ЗСУ, 19 ліпеня расійскія войскі нанеслі ўдар па судне трыма крылатымі ракетамі Х-59/Х-69. На момант атакі GOLDEN LEO выходзіла з зоны баявых дзеянняў з грузам збожжа. Уладальнікам судна з'яўляецца Турцыя.

Пападанне прыйшлося ў раён правага борта надбудовы, пасля чаго на борце ўзнік пажар.

Раней паведамлялася, што ў выніку атакі загінулі 10 чалавек, сярод іх — украінскі лоцман.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]