Расія нанесла ракетны ўдар па выставе ўзбраення пад Кіевам

Загінулі 10 чалавек, 100 параненых.

У выніку ўдару РФ па палігоне ў Кіеўскай вобласці загінулі 10 чалавек, яшчэ каля 100 чалавек атрымалі раненні рознай ступені цяжкасці. Пра гэта паведаміў Генеральны пракурор Украіны Руслан Краўчэнка, піша unian.net.

Паводле яго слоў, па факце трагічнага здарэння ўзбуджана крымінальная справа па арт. 438 Крымінальнага кодэкса Украіны, якая прадугледжвае адказнасць за ваенныя злачынствы. Таксама ўзбуджана крымінальная справа па ч. 3 арт. 367 КК Украіны ў сувязі з магчымым неналежным выкананнем службовых абавязкаў пры арганізацыі і правядзенні мерапрыемства, што прывяло да гібелі людзей і іншых цяжкіх наступстваў.

«Вайна не вызваляе ад адказнасці за кіравальніцкія рашэнні. Наадварот — патрабуе максімальнага прафесіяналізму, асцярожнасці і ўсвядомленасці кожнага кроку», — паведаміў Краўчэнка.

Ён дадаў, што следства павінна ўсталяваць, хто прымаў рашэнне аб правядзенні мерапрыемства, хто ўзгадняў месца, час і фармат яго правядзення, якія меры бяспекі былі прадугледжаныя. А таксама, ці былі належным чынам ацэнены рызыкі ва ўмовах ваеннага становішча.

Нагадаем, паводле даных маніторынгавых каналаў, падчас дзённай атакі на сталіцу РФ ужыла больш за 10 балістычных ракет розных тыпаў, а таксама «Цырконы». Паведамлялася пра працу СПА ў сталіцы, а таксама пра прылёты ў Кіеўскай вобласці.

Прэзідэнт Украіны Уладзімір Зяленскі, каментуючы ўдар РФ, адзначыў, што цяпер усталёўваюцца ўсе абставіны здарэння. Ён таксама падкрэсліў, што ключавым прыярытэтам Украіны з'яўляецца атрыманне ракет «Patriot» ад партнёраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]