Пад Вілейкай знайшлі сляды неардынарнай падзеі эпохі Вялікага перасялення народаў

Яна адбылася каля 1500 гадоў таму.

Каля вёскі ў Вілейскім раёне падчас раскопак выявілі сляды ўзброенага сутыкнення эпохі Вялікага перасялення народаў, паведаміла прэс-служба Беларускага дзяржаўнага ўніверсітэта.

На тэрыторыі археалагічнага комплексу каля вёскі Рэчкі Вілейскага раёна выяўленыя згарэлыя ў пажары рэшткі ўмацаванняў. Напрыклад, знойдзены зямляны вал, дзе стаяла драўляная сцяна. Выяўлены наканечнікі стрэл — сведчанне таго, што гарадзішча згарэла ў выніку ўзброенага канфлікту.

Выяўленыя ў пажарным слоі артэфакты дазваляюць папярэдне датаваць гэтыя падзеі эпохай Вялікага перасялення народаў, а менавіта перыядам ад IV стагоддзя да першай паловы V стагоддзя.

Таксама вядуцца раскопкі на неўмацаваным паселішчы ля падножжа гарадзішча. Знойдзены шматлікія прадметы, якія характарызуюць матэрыяльную культуру таго часу: прылады працы з жалеза і гліны, дэталі адзення, вырабы з косткі, керамічныя пасудзіны.

Даследаванне дапаможа лепш даведацца пра тое, як жылі людзі ў I тысячагоддзі нашай эры, і атрымаць новыя звесткі пра рассяленне славян на тэрыторыі Беларусі. Экспедыцыя ў Рэчках працягнецца да 28 ліпеня. Выяўленыя артэфакты пройдуць дадатковае вывучэнне ў БДУ, а затым папоўняць выставачную экспазіцыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]