Reuters: Крэмль апынуўся ў складанай сітуацыі

Пасля таго, як дроны атакавалі адзін з найбуйнейшых складаў Wildberries у Расіі.

Расійскі аналаг Amazon, інтэрнэт-крама Wildberries, і прадаўцы, якія гандлююць праз яе, панеслі страты з-за ўкраінскіх атак на склады, што належаць гэтаму рытэйлеру. Пра гэта паведамілі ў Крамлі, перадае Reuters.

Выданне нагадала, што ў суботу беспілотнікі нанеслі ўдары па двух буйных лагістычных хабах у Катаўску і Электрасталі. У выніку гэтых удараў загінулі восем супрацоўнікаў, узніклі пажары і была парушаная праца найбуйнейшай расійскай інтэрнэт-крамы, здольнай апрацоўваць больш за 20 млн заказаў у дзень.

«Хоць маштабы шкоды пакуль застаюцца нявыяўленымі, атакі на кампанію, якая адыгрывае такую важную ролю ў спажывецкай эканоміцы, сведчаць пра пашырэнне стратэгіі Кіева па выкарыстанні дронаў далёкага радыусу дзеяння дзеля падрыву ваенных намаганняў Расіі і ціску на Крэмль з мэтай заключэння міру», — падкрэслівае Reuters.

У той жа час прэс-сакратар Крамля Дзмітрый Пяскоў заявіў, што сітуацыя складаная праз страты, панесеныя самой кампаніяй і прадстаўнікамі малога і сярэдняга бізнесу. Таксама ён абверг абвінавачанні з боку Украіны ў тым, што Wildberries займаецца пастаўкамі ваеннага рыштунку.

«Wildberries» пачынала як інтэрнэт-крама, што перапрадавала адзенне з еўрапейскіх каталогаў. З цягам часу кампанія пашырыла асартымент тавараў і ператварылася ў гандлёвую платформу, у якую ўваходзяць староннія прадаўцы. «Wildberries» не каментавала маштабы нанесенай шкоды», — дадалі ў матэрыяле.

Reuters піша, што любое доўгатэрміновае парушэнне працы «Wildberries», хутчэй за ўсё, адчуюць многія людзі па ўсёй РФ. Маючы больш за 1 млн прадаўцоў, кампанія з’яўляецца адной з галоўных рухавых сіл імклівага пераходу да анлайн-гандлю ў маштабах усёй краіны.

Са свайго боку, паводле інфармацыі мясцовых Telegram-каналаў, відавочцы чулі 20–30 выбухаў, а сірэну ўключылі ўжо пасля інцыдэнту «на дзве хвіліны, а потым выключылі».

Таксама паведамляецца, што супрацоўнікаў лагістычнага цэнтра эвакуявалі пасля серыі выбухаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]