НАСА ацаніла ў $2,1 млрд адпраўку карабля з ядзерным рэактарам на Марс
- 22.07.2026, 1:00
Апарат плануюць стварыць у паскораным тэмпе.
Адпраўка на Марс касмічнага апарата з ядзерным рэактарам Space Reactor-1 Freedom сіламі НАСА абыдзецца прыкладна ў $2,1 млрд, паведамляе Politico са спасылкай на касмічнае агенцтва.
«Папярэднія ацэнкі кошту складаюць прыблізна 2,1 мільярда долараў, і НАСА працягне ўдакладняць гэтую лічбу ў працэсе закупак», — паведаміла касмічнае агенцтва.
Як піша Politico са спасылкай на дакумент, які агенцтва накіравала ў Кангрэс ЗША, у 2026-м фінансавым годзе на праграму плануецца выдаткаваць $640 млн, у 2027-м — $890 млн, у 2028-м — $415 млн, а таксама $180 млн у 2029 годзе. НАСА возьме гэтыя грошы з фонду даследчых праектаў агенцтва, а таксама са сродкаў, атрыманых у межах прынятага летась законапраекта аб узгадненні бюджэту. Пры гэтым у каштарыс выдаткаў не ўключана фінансаванне місіі SkyFall.
Як паведамілі прадстаўнікі НАСА, апарат плануюць стварыць у паскораным тэмпе з выкарыстаннем ужо наяўных распрацовак. Напрыклад, для касмічнага апарата агенцтва перапрафілюе сілавыя і рухальныя модулі, першапачаткова створаныя для Gateway — месяцовай касмічнай станцыі, праект якой НАСА адмяніла ў сакавіку 2026 года. У распрацоўцы і зборцы рэактара для місіі агенцтва будзе супрацоўнічаць з Міністэрствам энергетыкі ЗША.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
