«Расія 1» назвала «справай гонару» забойства ўкраінскага рэпера Kyivstoner

Раней ФСБ назвала яго арганізатарам атакі дронаў у Падмаскоўі.

Ваенны карэспандэнт Сяргей Зянін у эфіры тэлеканала «Расія 1» фактычна прадказаў забойства рэпера Kyivstoner (сапраўднае імя — Альберт Васільеў), якога ФСБ абвінавачвае ў датычнасці да арганізацыі атакі беспілотнікаў у Падмаскоўі.

Журналіст назваў «знішчэнне» музыканта «справай гонару» для расійскай разведкі і заявіў, што яго можа чакаць лёс расійскага лятчыка Максіма Кузьмінава, застрэленага ў Іспаніі пасля пералёту на вайсковым верталёце ва Украіну, піша «Агенцтва».

У сюжэце праграмы «Вести» пра спецаперацыю ФСБ па прадухіленні атакі дронаў у Падмаскоўі, які паказалі ў аўторак, карэспандэнт назваў рэпера «свіннёй у чалавечым абліччы».

— «Наркадылер з пашпартам Украіны і ЗША. А цяпер яшчэ і тэрарыст, знішчэнне якога для нашай разведкі будзе справай гонару», — сказаў Зянін.

Паводле яго слоў, рэпер жыве «дзесьці ў Славакіі» і мае «логава ў Іспаніі».

«Знойдуць. Не ўпершыню. Памятаеце, чым скончыў існаванне здраднік-лятчык, які забіў экіпаж і ўгнаў ва Украіну баявы верталёт. У адной з іспанскіх правінцый цела, прабітае кулямі, пераехаў аўтамабіль. Тады гэта было выпадковым збегам абставін. Чаму б выпадкова падобнае не магло паўтарыцца», — заявіў Зянін.

Kyivstoner — украінскі рэпер, відэаблогер і акцёр, які атрымаў вядомасць як удзельнік гурта «Грыбы» і доўгі час працаваў у Расіі. Незадоўга да расійскага ўварвання ён вярнуўся ва Украіну, а пасля пачатку вайны асудзіў дзеянні Расіі.

Раніцай у аўторак ФСБ заявіла пра прадухіленне атакі на ваенныя аб’екты ў Маскоўскай вобласці з выкарыстаннем 35 беспілотнікаў. У датычнасці да атакі спецслужба абвінавачвае былога байца ПВК «Вагнер», двух грамадзян Малдовы і Kyivstoner.

Сам рэпер у адказ на абвінавачанні ФСБ апублікаваў сторыс, у якім сказаў: «Што, нах…?». Пасля ён выклаў яшчэ адно відэа, дзе адзначыў, што не ведае, «чым заслужыў такую ўвагу»:

— Я адпачываю, браце, гуляю ў Dota. Якая, да чорта, арганізацыя чаго-небудзь?

Максім Кузьмінаў, з якім ваенкар «Вестей» параўнаў Kyivstoner, у жніўні 2023 года перагнаў ва Украіну расійскі верталёт Мі-8, за што атрымаў 500 тысяч долараў. Падчас пералёту двое членаў экіпажа верталёта былі забітыя.

Пазней на «Расіі 1» выйшаў сюжэт, у якім сцвярджалася, што расійскія спецслужбы ўжо атрымалі загад аб «ліквідацыі» Кузьмінава.

У лютым 2024 года яго забілі ў Іспаніі, куды ён пераехаў жыць з Украіны пад іншым прозвішчам. Газета The Wall Street Journal пісала, што выканаўцы атрымалі наяўныя грошы ад расійскіх чыноўнікаў, якія працавалі ў Вене.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]