Украінскі спецназ знішчыў расійскі бамбавік Су-24М у Крыме

Унікальная аперацыя ў тыле ворага.

Спецназаўцы Цэнтра спецыяльнага прызначэння «Амега» Нацыянальнай гвардыі Украіны знішчылі расійскі бамбавік Су-24М на вайсковым аэрадроме «Сакі» ў часова акупаваным Крыме. Пра гэта паведаміў камандуючы НГУ Аляксандр Піўненка у Facebook.

Ён адзначыў, што аперацыю правялі баявыя вадалазы ЦСН «Амега». Піўненка падкрэсліў, што яны пацвердзілі здольнасць наносіць высокадакладныя ўдары па прыярытэтных мэтах праціўніка глыбока ў яго тыле.

«Пасля выяўлення актуальнай мэты было праведзена дбайнае планаванне аперацыі. У момант, калі самалёт рыхтаваўся да баявога вылету для нанясення чарговых удараў па тэрыторыі Украіны, ўдарныя беспілотнікі «Амегі» паразілі мэту», — распавёў камандуючы НГУ.

Піўненка паведаміў, што першы дрон трапіў у насавую частку бамбавіка, а другі БПЛА нанёс паўторны ўдар у раён паліўных бакаў, канчаткова знішчыўшы яго.

«Гэты вынік з'яўляецца яшчэ адным пацвярджэннем таго, што Нацыянальная гвардыя Украіны сістэмна нарошчвае магчымасці па выкарыстанні ўдарных беспілотных сістэм на значнай аператыўнай глыбіні», — дадаў камандуючы НГУ.

Акрамя таго, Піўненка распавёў, што падраздзяленні 1-га корпуса НГУ «Азоў» і 2-га корпуса НГУ «Хартыя» таксама эфектыўна выконваюць баявыя задачы на дыстанцыях звыш 100 кіламетраў. Паводле яго слоў, асноўнымі мэтамі становяцца лагістычныя маршруты, склады боепрыпасаў, пункты кіравання, сродкі супрацьпаветранай абароны, а таксама месцы канцэнтрацыі асабовага складу і авіяцыя ворага.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]