Прапагандыст Салаўёў расказаў пра змову ў атачэнні Пуціна
9- 12.07.2026, 20:05
- 5,642
Пад падазрэннем — бліжэйшае атачэнне дыктатара.
Рупар крэмлёўскай прапаганды Уладзімір Салаўёў загаварыў пра «здраду» і «змову» ў атачэнні расійскага дыктатара пасля з’яўлення ў СМІ публікацыі асабістых перапіскаў расійскай журналісткі і экс-кандыдаткі ў прэзідэнты РФ Ксеніі Сабчак.
Каментуючы гэтыя перапіскі ў эфіры прапагандысцкай праграмы «Нядзельны вечар», Салаўёў фактычна абвінаваціў Сабчак і яе маці, сенатарку Людмілу Нарусаву, у супрацоўніцтве з палітычнымі апанентамі крэмлёўскага рэжыму. Хоць прозвішча Сабчак ён не назваў, з утрымання ягонага выступлення вынікала, што гаворка ідзе менавіта пра яе і Нарусаву, піша «Агенцтва».
Высловы прапагандыста прагучалі ў кантэксце нядаўняй заявы прэзідэнта Украіны Уладзіміра Зяленскага на палях саміту НАТА ў Анкары пра тое, што імкненне Кіева скончыць вайну знаходзіць падтрымку не толькі сярод партнёраў у свеце, але і сярод атачэння Пуціна.
«Яны (украінскі бок — рэд.) ведаюць адкуль? Таму што высветлілася, што ў адной ізраільскай журналісткі цесныя сувязі з прадстаўнікамі бліжняга кола Зяленскага?» — спытаў прапагандыст.
Прапагандыст абурыўся тым, што з перапіскаў, як ён сцвярджае, вынікае, што Нарусава дзейнічала ў інтарэсах прыхільнікаў Аляксея Навальнага і «інагентаў». У завяршэнне свайго выступлення Салаўёў задаўся пытаннем, ці не сведчаць падобныя кантакты пра наяўнасць змовы ў бліжэйшым атачэнні Пуціна.
«Якую яшчэ інфармацыю яны збіралі і перадавалі? Пра каго яшчэ з кіраўнікоў нашай краіны? Якія яшчэ яны выконвалі даручэнні? І ад каго яны іх атрымлівалі? Што гэта за фармулёўка? У бліжнім коле ёсць хтосьці. Дык гэта змова?» — задаўся пытаннем прапагандыст.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
