Тры гады таму памёр палітвязень Алесь Пушкін
4- 11.07.2026, 12:31
- 1,138
Не забудзем, не даруем.
Сёння — роўна тры гады з дня смерці палітвязня, вядомага беларускага мастака Алеся Пушкіна. 11 ліпеня 2023 года ён памёр ад прабаднай язвы ў рэанімацыі, куды яго даставілі з гродзенскай турмы. Яму своечасова не аказалі медыцынскую дапамогу.
Алеся Пушкіна арыштавалі ў 2021 годзе, калі ён вяртаўся з Украіны ў Беларусь на сваю выставу. Беларускі мастак атрымаў 5 гадоў калоніі строгага рэжыму за серыю партрэтаў удзельнікаў беларускага антысавецкага супраціву.
Беларускі мастак быў вядомы сваімі перформансамі. 25 сакавіка 1989 года мастак прайшоў па праспекце Незалежнасці. На спіне і на грудзях у яго віселі плакаты з напамінам пра БНР, абвешчаную ў гэты дзень роўна 71 год таму, а каля сотні аднадумцаў Пушкіна ішлі за ім з папяровым буслам і 71 белым паветраным шарыкам у руках.
Свой самы вядомы перформанс — «Гной для прэзідэнта» — Алесь Пушкін правёў у ліпені 1999 года, на пяцігоддзе кіравання Аляксандра Лукашэнкі. У сваёй падсобнай гаспадарцы ў Бобры мастак нагрузіў гноем старую тачку, паклаў зверху плакат «Аляксандр Лукашэнка з народам», таблічку «За пяцігадовую працу», тысячу дэнамінаваных рублёў, наручнікі і Канстытуцыю з папраўкамі 1996 года, якія пашыралі паўнамоцтвы прэзідэнта. Накрыўшы тачку цэлафанам, ён накіраваўся ў цэнтр Мінска на мікрааўтобусе. Вадзіцелю мастак сказаў, што везе дэкарацыі ў тэатр Янкі Купалы, які знаходзіцца побач з адміністрацыяй Лукашэнкі.
Калі ён падкаціў тачку да галоўнага ўваходу ў адміністрацыю, з будынка выбег міліцыянт: «Што вы робіце?!». Тады перформер перакуліў тачку на брук, паклаў зверху партрэт Лукашэнкі і пракалоў яго віламі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
