Зяленскі: У лагеры Пуціна падтрымліваюць Украіну ў пытанні завяршэння вайны

Па словах прэзідэнта Украіны, «там разумеюць, што адбываецца».

Прэзідэнт Уладзімір Зяленскі заявіў, што Украіна карыстаецца падтрымкай у асяроддзі расійскага дыктатара Уладзіміра Пуціна ў пытанні завяршэння вайны.

Пра гэта ён паведаміў падчас вячэрняга відэазвароту ў пятніцу, 10 ліпеня.

«Сёння ёсць новыя вынікі дзеянняў нашых Сіл абароны ў выглядзе далёкадзейных санкцый супраць Расіі. Бензінавы крызіс у Расіі паглыбляецца — і гэта цалкам справядліва ў адказ на нежаданне Пуціна заканчваць гэтую вайну. Мы прадставілі прапановы пра тое, як наблізіць мір. Мы бачым падтрымку ідэі міру не толькі з боку нашых партнёраў у свеце, але і з боку акружэння Пуціна. Там разумеюць, што адбываецца і што ў міру няма альтэрнатывы», — сказаў кіраўнік дзяржавы.

Прэзідэнт Украіны падкрэсліў, што «гэтае ўражанне ў Расіі будзе ўзмацняцца».

У гэты дзень Зяленскі таксама заявіў, што за тыдзень украінскія дроны далёкага радыюсу дзеяння паразілі шэраг стратэгічных аб’ектаў на тэрыторыі Расіі, у прыватнасці нафтаперапрацоўчы завод у Омску. Паводле яго слоў, цяпер не засталося ніводнага расійскага НПЗ, да якога не змагла б дацягнуцца ўкраінская зброя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]