У Беларусі забаранілі прадаваць папулярную халву

У ёй зафіксавана перавышэнне ўтрымання кадмію.

Перавышанае ўтрыманне кадмію выявілі ў папулярнай халве расійскай вытворчасці. Яе забаранілі прадаваць у Беларусі, паведаміў тэлеграм-канал санітарна-эпідэміялагічнай службы Гомельскай вобласці.

Халву «Эконом» ад ТАА «Азоўская кандытарская фабрыка» (Мыцішчы, Расія) праверылі ў ліпені 2026 года. Спецыялісты вывучылі прадукт і высветлілі, што ўтрыманне кадмію ў ім перавышае дапушчальны ўзровень.

«Дзяржсаннаглядам прыняты меры па недапушчэнні абарачэння неадпаведнай прадукцыі», — гаворыцца ў паведамленні.

Кадмій трапляе ў халву з насення слонечніка. Той, у сваю чаргу, засвойвае яго з глебы. Значна павышаюць узровень утрымання металу ў глебе выкарыстанне мінеральных угнаенняў і агульная неспрыяльная экалагічная абстаноўка.

«Кадмій назапашваецца ў арганізме даволі хутка, а выводзіцца надзвычай доўга — ад дзесяці да трыццаці гадоў. З улікам таго, што метал трапляе ў арганізм таксама з іншымі прадуктамі, вадкасцямі і нават паветрам, ужыванне ў ежу семак з перавышэннем дапущчальнага ўтрымання кадмію — недапушчальная раскоша», — пісаў Магілёўскі абласны цэнтр гігіены, эпідэміялогіі і грамадскага здароўя.

У ведамстве адзначылі, што ўзровень утрымання кадмію ў харчовай прадукцыі не павінен перавышаць 0,1 мг/кг.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]