Легендарны Ford Escort вярнулі да жыцця

У продаж вяртаецца спартыўная версія XR3i.

Ford Escort 1986 года атрымаў новае жыццё. У продаж вяртаецца спартыўная версія мадэлі XR3i з павялічанай да 150 к.с. магутнасцю.

Новы Ford Escort XR3i — праект брытанскай кампаніі Tolman Engineering, якая раней ужо адрадзіла Peugeot 205 GTi. Пра гэта паведамляе Auto Express.

Трохдзвярныя хэтчбэкі Ford Escort чацвёртага пакалення рэстаўруюць, мадэрнізуюць да ўзроўню XR3i і крыху асучасніваюць. Пры гэтым аўтамабіль фактычна не змяняецца звонку і ўнутры — яго выдаюць хіба што большыя 15-цалевыя дыскі і апцыянальныя святлодыёдныя лямпы ў фарах.

Магутнасць вырасла са 105 да 150 к.с., а гук стаў больш сакавітым. Як і раней, Ford Escort XR3i абсталяваны пяціступеньчатай механічнай каробкай перадач.

Да таго ж удасканалілі падвеску, усталяваўшы новы пярэдні стабілізатар і амартызатары Bilstein. З'явіліся і сучасныя тармазы ад AP Racing. Таксама кузаў узмацнілі дадатковымі элементамі жорсткасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]