У Беларусі абвешчаны аранжавы ўзровень небяспекі

Ідуць моцныя навальніцы.

На чацвер, 11 чэрвеня, у Беларусі абвешчаны аранжавы ўзровень небяспекі з-за навальніц са шквалістым ветрам, паведаміў Белгідрамет. Тэматычныя каналы адзначаюць, што існуе і пагроза ўтварэння смерчаў.

Уначы 11 чэрвеня па заходняй палове, удзень на большай частцы Беларусі чакаюцца навальніцы, месцамі моцныя ліўні. Падчас дзённых навальніц у асобных раёнах і Мінску прагназуецца шквалістае ўзмацненне ветру парывамі 15–20 м/с.

Як адзначае аўтар канала nadvorie, пасля абеду 11 чэрвеня Гродзеншчына апынецца на стыку цёплага і халоднага франтоў хвалевага цыклона «Н», які перамяшчаецца на поўнач з тэрыторыі Польшчы.

Паводле яго інтэрпрэтацыі дадзеных прагнозных сістэм, чакаюцца моцныя ліўні інтэнсіўнасцю месцамі больш за 20–40 мм за кароткі прамежак часу, а таксама буйны град дыяметрам да 2–4 см. Акрамя таго, будуць спрыяльныя ўмовы для магчымога фармавання асобных смерчаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]