Зяленскі: Украіна абвяшчае рэжым цішыні з 6 мая

Прэзідэнт Украіны адказаў на расійскую ідэю пра перамір'е на «дзень перамогі».

Украіна ініцыюе рэжым цішыні ў баявых дзеяннях на фоне ідэі Масквы пра перамір'е на «дзень перамогі». Ён пачнецца ў ноч на 6 мая.

Пра гэта паведамляе Charter97.org са спасылкай на прэзідэнта Украіны Уладзіміра Зяленскага у Telegram.

Паводле слоў кіраўніка ўкраінскай дзяржавы, да Украіны па стане на сёння не паступіла ніводнага афіцыйнага звароту што да парадку спынення баявых дзеянняў, пра які абвясціла Расія.

«Мы лічым, што чалавечае жыццё з'яўляецца неспараўнальна большай каштоўнасцю, чым «святкаванне» любой гадавіны. У сувязі з гэтым абвяшчаем пра рэжым цішыні, пачынаючы з 00:00 у ноч з 5 на 6 мая», - падкрэсліў Зяленскі.

Як паведамляў Charter97.org, Расія абвясціла аднабаковае перамір'е з Украінай на 8–9 мая, адначасова пагражаючы ўдарамі па цэнтры Кіева.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]