«Няхай мяне даруе»: Лукашэнка дзіўна адказаў Мадзяру
8- 31.05.2026, 14:53
- 4,572
Дыктатар трошкі хаміў, але больш віляў і апраўдваўся за маўчанне.
Аляксандр Лукашэнка выказаўся пра 500 мэтаў у Беларусі, якія ўжо «на алоўку» ў сіл беспілотных сістэм Украіны, і «запэўніў», што беларускіх салдат ва Украіне не будзе.
Пра гэта Лукашэнка гаварыў пасля пасяджэння Вышэйшага Еўразійскага эканамічнага савета ў сталіцы Казахстана — Астане 29 мая. Фрагмент яго інтэрв'ю 31 мая апублікаваў расійскі прапагандыст дзяржаўнага тэлеканала «Расія 1» Павел Зарубін. Не абышлося таксама без хамства з боку дыктатара.
Лукашэнку папрасілі пракаментаваць заяву камандуючага Сіламі беспілотных сістэм Украіны Роберта «Мадзяра» Броўдзі пра тое, што ўжо «на алоўку» першыя 500 мэт у Беларусі. Ён заявіў, што мае адну мэту ва Украіне:
«Можа, яны і вызначылі 500 мэт. Дзякуй, што ў нас для іх ёсць 500 мэт. У нас ёсць адна мэта — вельмі сур'ёзная, з дакладнымі каардынатамі, і зусім недалёка ад Беларусі…
Другое: вы ведаеце, балбатня прэзідэнта — няхай мяне Уладзімір Аляксандравіч (Зяленскі. — Заўв. рэд.) даруе за гэта, але гэта нейкі трэп — і пазіцыі вайскоўцаў разыходзяцца».
Далей Лукашэнка разважаў пра тое, што нібыта нехта з замежных партнёраў сказаў Зяленскаму пра магчымую атаку з Беларусі:
«Хоць гэтага ніколі не будзе! Ніколі нашых там салдат не было і не будзе — гэта таксама ён ведае, і вайскоўцы ведаюць».
У сувязі з гэтым Лукашэнка дазволіў сабе і такое выказванне на адрас Зяленскага:
«Ну і там, можа быць, нешта здарылася: недзе курнуў, недзе ўколаўся і іншае… Адбылося — і ён пачынае рабіць гэтыя заявы. Мне яго проста шкада. Таму, ты заўважыў (звяртаючыся да Зарубіна. — Заўв. рэд.), я маўчу».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
