У Віцебскай вобласці шукаюць «дыверсантаў»

Абвешчаныя зборы «тэрытарыяльных войскаў» і «народнага апалчэння».

У межах навучальнага збору тэрытарыяльных войскаў Лепельскага і Чашніцкага раёнаў праходзяць камандна-штабныя вучэнні, дзе адпрацоўваюць барацьбу з дыверсантамі, паведаміла 31 мая Мінабароны. Трэніроўкі праводзяцца «ў сувязі з няпростай абстаноўкай на знешнім контуры».

Вучэнні ў межах навучальнага збору тэрытарыяльных войскаў Лепельскага і Чашніцкага раёнаў праходзяць з 31 мая па 2 чэрвеня.

«Асноўная ўвага будзе нададзена прымяненню тэрытарыяльных войскаў сумесна з органамі ўнутраных спраў і атрадамі народнага апалчэння ў ходзе забеспячэння ваеннага становішча і барацьбы з дыверсійнымі групамі праціўніка», — паведамілі ў Мінабароны.

У трэніроўках удзельнічаюць прадстаўнікі ваенных камісарыятаў, прызваныя з запасу ваеннаабавязаныя, міліцыя, а таксама добраахвотнікі народнага апалчэння.

«У сувязі з няпростай абстаноўкай на сённяшні дзень па знешнім контуры зладжанасць менавіта гэтага напрамку войскаў павінна быць адпрацавана да аўтаматызму», — заявіў намеснік старшыні Віцебскага аблвыканкама Пётр Белусь.

Ён адзначыў, што трэніроўкі праводзяцца «з запрашэннем усіх раёнаў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]