Расеец узяў у арэнду ў Беларусі аўто і атрымаў астранамічную суму штрафаў за перавышэнне хуткасці

У сем разоў больш, чым заплаціў за пракат.

Ірына — прадпрымальніца, якая здае аўто напрокат. Нядаўна ў Threads жанчына распавяла, як мужчына ўзяў у яе на суткі машыну і «назбіраў» за гэты дзень штрафаў на суму, больш чым у сем разоў вышэйшую за тую, што заплаціў за пракат, піша «Зеркало».

Пост, які зрабіла Ірына ў Threads, лаканічны. «Суткі арэнды каштавалі 160 бел. рублёў», — напісала яна і побач прыкрэпіла здымак з чатырма штрафамі за перавышэнне хуткасці. Як становіцца зразумела з паведамленняў жанчыны ў каментарыях, вышэй за норму ганяў чалавек, які ўзяў у яе машыну. За дзень пракату ён аддаў 160 рублёў, а штрафаў атрымаў на 1215 рублёў.

Хтосьці з карыстальнікаў пажартаваў: «Сябры з Расіі на выхадных. Класіка!», і аказалася, што трапіў у кропку.

— Проста грамадзянін Расіі ў Беларусі, — ў адным з каментарыяў адзначыла Ірына.

Судзячы па інфармацыі на квітанцыях, мужчына ездзіў на Volkswagen Jetta. На чатырох участках дарогі, дзе максімальная хуткасць 90 км/г, вадзіцель ляцеў 125 км/г, 132 км/г, 135 км/г і нават 141 км/г. Такім чынам ён перавышаў дапушчальную норму на 35−51 км/г.

Тры штрафы яму выпісалі на 360 рублёў, адзін — на 135. На двух квітанцыях відаць, што аплаціць іх трэба да 26 чэрвеня.

У каментарыях Ірына патлумачыла, што аплачваць ліхую язду будзе не яна, а чалавек, які ўзяў машыну ў арэнду. Проста спачатку даныя пра штраф прыходзяць ёй як уладальніцы аўто.

— [Далей] працэс такі: пішу заяву ў ДАІ, прыкладаю дагавор. З нас штрафы спісваюць і адпраўляюць ім <�…>, — патлумачыла механізм аўтар паста. -

Якім менавіта спосабам ДАІ іх (ідзе пра расіян. — Заўв. рэд.) апавяшчае, я не ведаю, але ў Расію штрафы да кліентаў даходзяць. Я сама на ўсялякі выпадак таксама іх (кліентаў. — Заўв. рэд.) папярэджваю, каб не было сюрпрыза пры наступным наведванні Беларусі.

У каментарыях жанчына таксама адзначыла, што замежнікам, якія не аплацілі штраф за перавышэнне хуткасці ў Беларусі, могуць забараніць уезд у нашу краіну. Такая норма прадугледжаная ў ч. 1 арт. 30 закона «Аб прававым становішчы замежных грамадзян і асоб без грамадзянства ў Рэспубліцы Беларусь».

Хтосьці з удзельнікаў размовы пацікавіўся ў Ірыны: «Яны ж аплацяць? Тыя, хто браў у арэнду».

— Аплацяць ці не — гэта іх праблемы. Не аплацяць — значыць, атрымаюць забарону на ўезд у Беларусь, — адказала яна.

За дзень пост жанчыны сабраў больш за 230 тысяч праглядаў і звыш 300 каментароў. У іх нямала карыстальнікаў выказаліся на адрас ліхача:

«У чорныя спісы такіх кліентаў трэба заносіць. І перадаваць інфармацыю іншым, хто займаецца здачай у арэнду аўто»;

«Арандаваныя аўто, напэўна, трэба прашываць, каб больш за 90 [км/г] не ездзілі»;

«Ну, хацелі людзі папоўніць бюджэт Рэспублікі [Беларусь]. Каб яшчэ ў дагаворы арэнды быў пункт пра дзесяціразовае штрафаванне любых «касякоў»»;

«Забараніць бы вам уезд у краіну, калі паводзіць сябе не ўмееце»;

«Не ў тую краіну лятаць прыехалі. ПДР вывучайце! Няведанне не вызваляе ад адказнасці»;

«Мала»;

«У чалавека была мэта — усе камеры на шляху злавіць?»;

«Таксі танней».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]