Украіна ўвяла санкцыі супраць двух беларускіх прадпрыемстваў

Хто трапіў пад абмежаванні.

Украіна ўвяла санкцыі супраць Беларускай нафтавай кампаніі і беларуска-кітайскага абароннага прадпрыемства «Волат-Санцзян». Пра гэта паведамілі ў прэс-службе прэзідэнта Украіны.

Уладзімір Зяленскі падпісаў два ўказы, якіямі ўвёў у дзеянне рашэнне Савета нацыянальнай бяспекі і абароны Украіны адносна сінхранізацыі санкцый з рашэннямі Еўрапейскага саюза.

Абмежаванні закранулі 16 грамадзян Расіі і 31 кампанію з Расіі, Беларусі, ААЭ, краін Цэнтральнай Азіі і акупаваных тэрыторый. У спіс увайшлі кіраўнікі стратэгічных прадпрыемстваў, прадстаўнікі арміі РФ, кампаніі ВПК, вытворцы кампанентаў для дронаў і фірмы, якія дапамагаюць абыходзіць санкцыі. Таксама меры ўжытыя ў дачыненні да асоб і кампаній, звязаных з іранскімі ракетнымі і дронавымі праграмамі.

— Мы працягваем сінхранізаваць санкцыйныя рэжымы з ЕС і партнёрамі. Чакаем далейшага ўзмацнення ціску на Расію і ўсіх, хто дапамагае ёй падтрымліваць агрэсію. Ужо завяршаем сумесную працу над праектамі наступных санкцыйных рашэнняў ЕС і партнёрскіх дзяржаў, у тым ліку 21-га пакета санкцый, — адзначыў саветнік — упаўнаважаны прэзідэнта Украіны па пытаннях санкцыйнай палітыкі Уладзіслаў Уласюк.

Нагадаем, у красавіку абодва прадпрыемствы трапілі ў 20-ы пакет еўрапейскіх санкцый.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]