У найбуйнейшай гуманітарнай ВНУ Расіі вырашылі напісаць «правільную» гісторыю продкаў Пуціна

Для складання радаслоўнай дыктатара шукаюць спецыяльнага навуковага супрацоўніка.

Расійскія ўлады вырашылі напісаць гісторыю роду прэзідэнта Уладзіміра Пуціна. Гэтую задачу даручылі Расійскаму дзяржаўнаму гуманітарнаму ўніверсітэту (РГГУ), найбуйнейшай у краіне спецыялізаванай ВНУ такога профілю. У красавіку РГГУ апублікаваў аб’яву аб пошуку навуковага супрацоўніка, які зоймецца вывучэннем біяграфій продкаў Пуціна за жалаванне ў памеры 81 990 рублёў, звярнула ўвагу «Медуза».

Тэма будучага даследавання сфармуляваная як «Калектыўная біяграфія членаў роду Пуціных у парэформеннай Расіі (1861–1917 гг.): пераход ад земляробства да дробнага гарадскога прадпрымальніцтва». Аналагічная вакансія апублікаваная на сайце ўніверсітэта. У ёй указана, што заяўкі ад кандыдатаў прымаюцца да 10 чэрвеня, а дагавор з даследчыкам заключаецца да ліпеня 2027 года. Навуковы супрацоўнік будзе працаваць без надбавак і прэмій, затое прадугледжаны штогадовы адпачынак.

Раней ТАСС апублікаваў запіс з метрычнай кнігі за 1879 год, дзе ўказваецца, што дзед Пуціна Спірыдон Іванавіч быў селянінам і быў ахрышчаны ў храме Узнясення Гасподня ў вёсцы Дудзіна пад Цвер’ю. Сам Пуцін раней заяўляў, што яго дзед нарадзіўся ў Санкт-Пецярбургу і працаваў кухарам.

«Сям’я была самая простая: ну што, кухар і кухар. Але, відаць, добра гатаваў, бо пасля Першай сусветнай вайны яго запрасілі на працу ў падмаскоўныя Горкі, дзе жылі Ленін і ўся сям’я Ульяновых. Калі Ленін памёр, дзеда перавялі на адну з дач Сталіна, і ён там доўга працаваў», — сцвярджаў кіраўнік РФ.

У маі кандыдат гістарычных навук Міхаіл Гершзон адзначаў, што продкі Пуціна былі сялянамі, і звесткі пра жыццё прадстаўнікоў гэтага стану звычайна не захоўваюцца ў архівах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]