Сібіга назваў дзёрзкасцю званок Лаўрова Рубіё
- 26.05.2026, 20:09
- 1,688
Кіеў разлічвае на жорсткую рэакцыю міжнародных партнёраў.
Заявы міністра замежных спраў Расіі Сяргея Лаўрова у размове з дзяржсакратаром ЗША Маркам Рубіё аб магчымых ударах па Кіеву з'яўляюцца адкрытай правакацыяй і дэманструюць зацікаўленасць Масквы ў працягненні вайны, паведамляе «Інтэрфакс-Украіна».
Міністр замежных спраў Украіны Андрэй Сібіга пракаментаваў словы Сяргея Лаўрова, якія, паводле ягоных звестак, датычылі пагроз нападаў на Кіеў падчас кантактаў з прадстаўнікамі ЗША.
«Я гэта разглядаю як дзёрзкую правакацыю. Гэта чарговае публічнае пацвярджэнне зацікаўленасці з боку Расіі працягваць вайну. Гэта Лаўроў дазваляе сабе публічна перадаваць ход размовы, дзе пацвярджае, што пагражае атакамі па Кіеву. Для мяне вельмі цяжка ўспрыняць, што такое можа дапускацца», — падкрэсліў міністр.
Паводле слоў Сібігі, сам факт публічнага агучвання падобных пагроз сведчыць пра пагарду да міжнародных намаганняў па спыненні вайны.
Кіраўнік украінскага МЗС адзначыў, што Кіеў разлічвае на больш жорсткую рэакцыю міжнародных партнёраў.
Ён падкрэсліў, што недастаткова абмяжоўвацца папярэджаннямі або рэкамендацыямі дыпламатычным місіям пакінуць Украіну.
Сібіга заявіў, што неабходныя выразныя сігналы ў адрас Масквы з патрабаваннем не наносіць удары па ўкраінскай сталіцы і грамадзянскай інфраструктуры.
Сібіга адзначыў, што Расія павінна ўсведамляць наступствы сваёй палітыкі і дзеянняў у кантэксце вайны супраць Украіны.
«Расію трэба спыніць, а спыніць яе можна толькі сілай, дадатковымі санкцыямі, дадатковай ізаляцыяй, замарожанымі актывамі. Тым, што для іх адчувальна, для іх эканомікі, тым, што іх аслабляе, тым, што не дазваляе ім фінансаваць іх ваенную машыну», — сказаў міністр.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
